Masalimo 29:8 - Mawu a Mulluku

⁸ Mawu a Apwiya ennatikha nihaka, Apwiya ennatikha echipululu ya Kadeshi.

Masalimo 29:8 ပူးပေါင်းရင်းမြစ်များ

Numeri 13:26

Yaaphiya wa Mose ni Aroni ni Aisraele attheene o Kadeshi, echipululu ya Parani. Yahaatthopoollella dda olendwiiwa ewoonihella ezipaso dda ellapweeyo.

Yesaya 13:13

Sika kineerotikha muddullu nave ellapo yavatthi eneerosusa vanipuroni viwa ekaamba ya owalli wa mi Apwiya Amasiva Mattheene va nllapo na osha murima waka wawoopiha.

Masalimo 46:3

naari enyanja ddoopeke owalli ni okhuma niphoru, naari miyaango dditthukumelle ekaamba ya othuruma wa enyanja.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

Yobu 9:6

Annayitikha ellapo yavatthi, apotwiiwa ennatthukumella.

Aheberi 12:26

Mulluku allotilleeye vawaamba mawaaye yaatikha ellapo yavatthi ettheene koma vano aalonjeza wi aneerotikha wiilli ellapo yavatthi ni yooddullwiine.

Hagai 2:21

“Omulleelle Zerubabele oolamulella a o Yuda wi kineerotikha eddullu ni ellapo yavatthi.

Hagai 2:6

“Nnddo kinallota mi Apwiya Amasiva Mattheene tti ddawi, vavira enthawi vang'ono, kineerotikha oddullu ni ellapo yavatthi, enyanja ni mitunda.

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.