Masalimo 29:3 - Mawu a Mulluku

³ Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.

Masalimo 29:3 ပူးပေါင်းရင်းမြစ်များ

Eksodo 9:33

Mose aavenyawo wa Farao wulle, akhuma m'muzindanimmo nave aavekella wa Apwiya. Vano ogugudeya wa murimu wulle ni marallallaalle ddaahiya navettho murimu aamwara.

Eksodo 9:28

Ddoottepa! Vekella wa Apwiya wi ehiihe ogugudeya wa murimu ni marallallaalla. Kineerowaakhullellani wi muvenyewo. Khemukhallattho wuno iyaayi.”

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Yawuupullulla 16:18

Waakhalla ettari, onyakulla ni ogugudeya wa murimu navettho echivomerezi yawoopiha. Waambeella ephatusello ya athu a va ellapo yavatthi khavineereyeke echivomerezi yawi ddiiddo, ella yaari echivomerezi yawoopihesesa ohiyana ni erive echivomerezi!

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Yawuupullulla 4:5

Nave o mpando woomwenooyo waanavenyera ettari, onyakulla ni ogugudeya wa murimu. Vahoollo va mpando wa omwenooyo vaakhalla mitthiko ddookhara mitthanu ni miilli nnddo ddiri minepa mitthanu ni miilli dda Mulluku.

Masalimo 104:3

moomaka enyumbaanyu vamaaddini amuddullu. Mirapo ddoothamaka ddiri wonanko nigareta nanyu, munneeta vamuuphelloni a ephevo.

1 Samuele 7:10

Samuele avelleellaka mukutho wooshellelliha Afilisti yaaphiya vakhuviru wi ewane ni Aisraele. Koma Apwiya yaawoopopiha Afilistaayo ni mawu ookhalla wonanko ogugudeya wa murimu woovenyera oddullu, ahaasimelliha nave yaathawa vamiitthoni va Aisraele.

Eksodo 19:16

Omurotovo ophiyalle, ohinase, waakhalla ogugudeya wa murimu ni ettari vamwaangonimvo. Waakhallattho murapo woottika ni winlla wooruma wa nipallapata. Athu attheene m'misasanimmo yaatthukumella mwawoova.

Yawuupullulla 8:5

Nave mungeloolle aakusa embale ya golideelle avallellamo munllo woovenyera va nikuwa nave ayivokhella va ellapo yavatthi. Nave vaakhalla ogugudeya wa murimu, onyakulla, ettari ni echivomerezi.

Yohane 12:29

Athu yiimenlle vaavo yahiiwa mawaayo nave amodda a yaayo yaallota wi, “Waari ogugudeya,” Amodda yaallota wi, “Mungelo oollota ni olliyooyo.”

Mitteko 7:2

Sitefano ahaakhulla wi, “Asinnaka ni attiitthaaka, kiiwelleni miyaano! Nikhollo nahu Abrahamu aariiye o Mesopotamiya ahinaye wi akhalle o Harana, Mulluku antitimiho aamooneyella,

Yobu 36:33

Ogugudeya onnallalleya dda owa wa ephevo yawoopiha, naari eng'ombe ddinnadduwella wi enimawa.”

Yobu 40:9

Ethiyo wookhalla ni muwono wamasiva wonanko Mulluku? Ethiyo mawaawo ttuugugudeya monga eneerella aaka?