Masalimo 27:9 - Mawu a Mulluku

⁹ Muhikiipitthihelle ekhovaanyu. Muhikikhoote moonanariwa mi oorumeyellaanyu. Nyuwaano mookhalla mukikaviheraka. Muhikitathille, muhikihiye meekha, nyu Mulluku oovullusaaka.

Masalimo 27:9 ပူးပေါင်းရင်းမြစ်များ

Masalimo 69:17

Muhikiipitthihelle ekhovaanyu mi oorumeyellaanyu, akuvani okikavihera vawi kiri mu ddookatamiha.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Masalimo 102:2

Muhikiipitthihelle ekhovaanyu va nllapo na ddookatamiha ddaka. Kaapelleni maaru wi mwiiwe, mukaakhulle mwawaakuva kaawiithanakani.

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Yeremiya 32:40

Kineerokeraatthiha echipangano yoohimalla ni alliwa nave ngihiya oweerella ddaphaama. Kineerewaavaha murima wookova, mwawi ddiiddo khewa ekihiyattho.

Masalimo 24:5

Aneerewaakhella madaliso wa Apwiya, echilungamo wa Mulluku oovullusaaye.

Masalimo 119:121

Koheera nnddo ddiri ddoolungama nave ddaphaama, muhikihiye m'mattani mwa ookihoosa.

Masalimo 88:1

Nyu Apwiya Mulluku oovullusaaka, kinninllella otthaana ni mahiiyu.

Masalimo 51:11

Muhinakiikariha vamiitthoni vanyu, muhinavenyiha munepaanyu Waweella mwa miyaano.

Masalimo 44:24

Kaambiiwa tini muniipitthiheenyu ekhovaanyu? Mutiwallelle tini ddoohoosa ddahu ni onyingallelliwa wahu?

Masalimo 13:1

Nyu Apwiya, munaakitiwalle ophiyera niini? Ethiyo munaakiipitthihelle ekhovaanyu wa enthawi yoohimalla?

1 Samuele 7:12

Enre ddiiddo, Samuele aakusa nlluku aniimesa variyari va Mizipa ni Shene aninnya nnddina nawi Ebenezeri ottaphullella wi, “Nlluku na nikavihero,” Vawi aallota wi, “Ophiyera ollello Apwiya ennanikavihera.”

Yesaya 50:1

Apwiya enallota wi, “Ethiyo ari wuuwi kalata kaasuzulelleemina ameenyu? Apaalle kuukullihalleni wa aani mwa athu kiriimina ni ekongoli? Ngoonani, mwakullihiwe wuukaporoni ekaamba ya machimwaanyu, Ameenyu yahiikarihiwa ekaamba ya ddoonanara ddanyu.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Yesaya 59:2

Koma machimwaanyu ahuumwallanihani ni Mullukwaanyu nave aaddiipitthiha ekaamba ya machimwaanyu wi ahiiwe munalloteenyu.

Masalimo 69:18

Kaatamelleni mukoopolle, kivulluseni wa adanaaka.

Masalimo 102:3

Mallapwaaka enavira wonanko mwiisi, mwiillaaka onakhara wonanko munllo.