Masalimo 27:14 - Mawu a Mulluku

¹⁴ Vano atiyere Apwiya. Khalla amasiva nave ollipe murima. Ddawoona, atiyere Apwiya.

Masalimo 27:14 ပူးပေါင်းရင်းမြစ်များ

Yesaya 40:31

Koma ayo enaaroromella Apwiya, eneerewaakhella masiva anaanweene, eneerovava wonanko mpungu. Eneerekothamaka koma oohitopa, eneerekeweeta koma oohivelleveddeya.

Masalimo 31:24

Khallani amasiva nave mullipe murima, nyu attheene owaatiyera Apwiya.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Masalimo 37:34

Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.

Masalimo 130:5

Kinnatiyera nikavihero na Apwiya, kinnaweherella ni murima muttheene, kinnaroromella mawiiwa.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Aefeso 6:10

Voomallihani, mwiillipiheke mu eyaattano ni Apwiya ni masiviiwa uullupalli.

Masalimo 62:5

Murimaaka onnamaalleya omutiyerella Mullukuve. Ovullusiwa waka onavenyera wa olliye.

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Miyambo 20:22

Ohilloteke wi, “Kineerohokollosella ddoonanara.” Atiyere Apwiya vawi eneerewuuvullusa.

Masalimo 33:20

Mirima ddahu ddinnaaroromella Apwiya kaambiiwa alliwa tti nikavihero ni yawiitetezellaahu.

Aroma 8:25

Koma naatiyerellaka eyo nihinooneehu, ninnatiyerella yeeyo moovillella.

Maliro 3:26

Tti waphaama waatiyerella Apwiya moovillella wi yoonihe ovullusa wiwa.

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Yesaya 25:9

Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”

Masalimo 25:21

Ohilakwa ni echilungamwaaka ddikiteteze vawi kinnuuroromellani.

Masalimo 25:3

Ddawoona, attheene awuuroromellani ehiwulliwe muru, koma ayo enuukhootani mwaawullihe muru.

Genesis 49:18

“Kinatiyerella ovullusa wa Apwiya.”

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Yesaya 8:17

Kineerewaatiyerella Apwiya ayo yiipitthihalle ekhoviiwa va nibanja na Yakobo nave kineereewaatiyerellesesa.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Masalimo 40:1

Kahaatiyerella Apwiya ni murimaaka muttheene wi ekikavihere, yaawaramella vatthi ekiweha, yiiwa winlla waka.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Luka 2:38

Va enthawi yeeyo aayattho wa Mariya ni Yosefe, aamba omutitimiha Mulluku, allotakattho dda mwaanooyo wa attheene ayo yatiyera wi Mulluku amoopolle Yerusalemu.

Mitteko 28:15

Ookhulupilila yaari o Roma yahiiwa dda hiyaano sika yaawa ephiya va Musika wa Apio nave o Enyumba dda Alleto Ddiraru wi ekumane ni hiyaano. Paulo awoonilleeye, aamuthokoza Mulluku nave aallipa murima.

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.