Masalimo 27:1 - Mawu a Mulluku

¹ Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Masalimo 27:1 ပူးပေါင်းရင်းမြစ်များ

Aheberi 13:6

Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Masalimo 118:6

Apwiya yakhalla o embalaaka, ngoova. Muthu ttuukeerella tini?

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

2 Akorinto 12:9

Koma ahaakhulla wi, “Echisomwaaka sika enapaalleya mwa weyaano vawi masivaaka enunnuwa wakhalla oofooka.” Vano koohakallalla ni murimaaka muttheene wi kikotelleke dda ofooka waka wi masiva a Khrisitu enooneya mwa miyaano.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Masalimo 62:6

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 18:28

Nyu Apwiya, munnakhariha enyalaaka, Mullukwaaka, munnakimolleella mwiipiphini.

Yobu 29:3

enthawi eyo enyalaaye yamolleelliiwa va muru vaka, owala waye wakihoollelliiwa mwiipiphini,

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Masalimo 118:21

Kinnuuthokozani vawi mookaakhulla, mootthattuwa oovullusaaka.

Masalimo 19:14

Mawaaka ni maganizwaaka yaakhullelleye vamiitthoni vanyu, nyu Apwiya, nlluku naka ni oovullusaaka.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Yesaya 2:5

“Sika vano nyu edduullu dda Yakobo, hankoni neete mu owala wa Apwiya.”

Masalimo 18:46

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yohane 1:9

Nngu sika owala wawoona nko onavollowa mu ellapo yavatthi ni omolleella va athu attheene.

Yawuupullulla 7:10

Yaakhuwa ni mawu oowella wi, “Ovullusa sika wa Mullukwaahu oyo anakeraatthi vampandoni woomwene navettho wa mwaanaankhosa!”

Luka 2:30

Vawi miitthwaaka ahoona ovullusa wanyu,

Masalimo 11:1

Kinnathawella wa Apwiya, nyu munaakilleelle mwawiidde wi, “Thawella omwaangoni wonanko epallame!

Masalimo 3:8

Opambana wahu onavenyera wa nyuwaano, Apwiya. Madaliswaanyu ekhalle va athwaanyu.

Luka 3:6

Athu attheene eneerewoona ovullusa wa Mulluku.’ ”

Mateyu 8:26

Yesu ahaakhulla wi, “Munoova ekaamba ya tini? Nyu athu eechikhulupililo yooyeva.” Vano aavenya asimwella ephevweeyo ni maaddaayo nave waakhalla okhurumuwa wuullupalli.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Masalimo 43:2

Ddawoona, nyuwaano tti Mulluku woothawellawo waka. Mukitathillelle tini? Ethiyo kinaaweetelleke tini kinllaka ekaamba ya opaniwa ni mudanaaka?”

Deuteronomo 7:18

Muhiwoove alliwa koma muupuwelle nnddo Apwiya Mullukwaanyu yamweerenlliiwa Farao ni athwaaye.

Deuteronomo 7:21

Muhiwoove athu yaalla. Apwiya Mullukwaanyu eri variyari vanyu nave alliwa tti Mulluku muullupalli oophwanella omoova.

Masalimo 18:29

Ni okikavihera wanyu miyaano ttuugonjiha mulloko wakhoto, ni nyu Mulluku, miyaano ttuullupha esiri ya mpanda.

Yeremiya 20:11

Koma Apwiya eri ni miyaano, alliwa sika mullupa akhoto awoopiha, ekaamba ya yeella ookihoosa eneerokwakwatuwa, ddawoona, khepambana. Eneerowulliwa muru wunchichi ekaamba yookilephela, eneeromora ekhove moohitiwalleya.