Masalimo 26:11 - Mawu a Mulluku

¹¹ Koma miyaano kinneeta moolungama. Mukeerelle echifundo nave mukivulluse.

Masalimo 26:11 ပူးပေါင်းရင်းမြစ်များ

Masalimo 69:18

Kaatamelleni mukoopolle, kivulluseni wa adanaaka.

Masalimo 26:1

Nyu Apwiya, kamullani wi ngilakwille moollikana ni echilungamwaaka vawi miyaano tti oohilakwa, kohuuroromellani moohikayika.

1 Atesalonika 2:10

Nyuwaano tti ambonaahu ni Mullukuttho wi makhallellwaahu wa nyuwaano munakhulupilila, yaari aweella, oolungama ni oohikhalla ni yoolakwa.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Yesaya 38:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Masalimo 49:15

Koma Mulluku aneerewoopolla okumaaka o olamulello wa mahame, ngiwa koova vawi aneerokaakhella.

Masalimo 49:7

Ddawoona, khaavo muthu anaaddoopolle, ovelleella mutengo woovullusella okumaaye wa Mulluku.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Nehemiya 13:31

Nave kahoonesesa wi ekhuni dda mukutho ni ezipaso ddawaamba ddinnavelleelliwa mu enthawiiwa. Nyuwaano Mullukwaaka, kuupuwelleni ekaamba ya ddenndda.

Nehemiya 13:22

Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

Nehemiya 13:14

Nyuwaano Mullukwaaka, kuupuwelleni ekaamba ya ddenndda. Muhitiwalle ddaphaama nnddo keerilleemi va enyumbaanyu nave mitteko ddiwa ddittheddene.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Masalimo 101:2

Kineerothwara mweezeru ettilla yaphaama. Vano munaakiweelle niini? Kineereweeta mu enyumbaaka ni murima waphaama,