Masalimo 25:6 - Mawu a Mulluku

⁶ Nyu Apwiya, upuwellani echifundwaanyu ni echikondaanyu yoohisintheya eyo moonihalleenyu waambeella khalle.

Masalimo 25:6 ပူးပေါင်းရင်းမြစ်များ

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Masalimo 103:17

Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

2 Akorinto 1:3

Hankoni nimutitimihe Mulluku Attiitthiiwa a Apwiihu Yesu Khrisitu, Attiitthiihu a ethakaraka, Mulluku ookhurumusa murima wunchichi!

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Masalimo 98:3

Ahuupuwella echikondiiwa yoohisintheya ni ororomelleya wiwa o enyumba ya Israele. Athu a wookomella ellapo yavatthi otthewene ahoona ovullusa wa Mullukwaahu.

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

Afilipi 1:8

Mulluku sika ari mbonaaka wi kinallota ddawoona kaallotaka wi munkhellaaka va nyuwaano tti woovenyera mu echikondi ya Khrisitu Yesu.

Luka 1:54

Ookwakhwaniha allotilleeye wa makhollwaahu, nave oohaakavihera athwaaye a Israele, oomurumeyellaaye.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Masalimo 119:77

Mukeerelle echifundo wi kikhalle ni okumi vawi malamulwaanyu ennakihakallalliha.

Masalimo 107:1

Athokozeni Apwiya kaambiiwa tti aphaama, vawi echikondiiwa yoohisintheya tti ya enthawi yoohimalla.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Masalimo 106:1

Aleluya! Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

Masalimo 103:4

Tti alliwa enavullusa okumaawo o mahame, enuuwariha echikondiiwa yoohisintheya ni echifundwiiwa wonanko enduwira yoomwene.

Masalimo 69:16

Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Masalimo 40:11

Muhinakivenyihera echifundwaanyu, nyu Apwiya, echikondaanyu yoohisintheya ni ororomelleya wanyu ddinnakisunga.”

Nehemiya 9:19

ekaamba ya echifundwaanyu yuullupalli khemwaahiyalle muchipululuni. Murapo oyo waahoollella otthaana ni munllo waahoollella mahiiyu, khewaavenyillevo.

2 Epilli 6:42

Nyu Apwiya Mulluku, muhimureye etulli oozoziwaanyu!* Upuwellani echikondaanyu yoohisintheya wa Davide oorumeyellaanyu.”

Eksodo 34:6

Apwiya yaavira vakhuviru ni Mose ekhuwaka wi, “Apwiya, Apwiya Mulluku eechifundo ni ooreera murima, oohisha murima mwawaakuva, ooddalla ni echikondi yoohisintheya ni oororomelleya.

Eksodo 15:13

“Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.

Genesis 32:9

Vano Yakobo ahaamba ovekella wi, “Mulluku a nikhollo naka Abrahamu, Mulluku a attiitthaaka Isaki, mukiiwe miyaano! Nyu Apwiya mwaakilleella wi, ‘Hokollweella o ellapwaawo, o ellapo ya abalaawo, kineeroweeriha wi ddeko ddiweetelle phaama.’

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

Nehemiya 13:22

Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Habakuku 3:2

Nyu Apwiya, kahiiwa epillaanyu ni woova, Apwiya, hihimullani muttekwaanyu mallapo allello, muwudduwanyeyihe mu mallapwaahu. Naari mushille murima, muhitiwalle echifundwaanyu.