Masalimo 25:13 - Mawu a Mulluku

¹³ Yooyo aneerokhalla ni okumi woohakallalla, edduullu ddaye ddineerewaakhella ellapo wi ekhalle yayiwayayiwa.

Masalimo 25:13 ပူးပေါင်းရင်းမြစ်များ

Masalimo 37:11

Koma awiithaalla eneerewaakhella ellapo yavatthi wi ekhalle yayiwayayiwa, eneerokhalla moohakallalla mwamurendelle ni mwa eyuuma.

Miyambo 19:23

Owoova Apwiya onnavaha okumi, ookhallana aneerovona, kheyiivo yoonanara enammorelle.

Miyambo 1:33

Koma oyo anakiiwellella aneeroteteziwa, aneerokhalla mwamurendelle nave khoovaka erive ello.”

Mateyu 5:5

Oodalisiwa tti athu ayo eri oomaalleya, vawi Mulluku aneerewaavaha ellapo yavatthi wi ekhalle yayiwa!

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Mitteko 2:39

Vawi olonjeza wenko tti wa nyuwaano ni wa aniinyu ni athu attheene ayo eri woorekama, attheene ayo Mulluku Apwiihu anaawiithaneeye.”

Yesaya 65:23

Khewa ephara mutteko nivuddo apaalle waayarella anamwani wi yoone otulli kaambiiwa enaakhalle athu oodalisiwa ni Apwiya alliwa ni edduullu ddiwa.

Miyambo 29:25

Omoova muthu tti wonanko wiireya musampha koma oyo anaaroromella Apwiya aneerovulluwa.

Masalimo 37:26

Enthawi ettheene annavaha nave annakongoliha moohummella edduullu ddaye ddinnakhalla madaliso.

1 Petro 3:10

Mawu a Mulluku enallota wi, “Ayo enapaalla okhalla oohakallalla ni okhalla mallapo manchichi, nllumi niwa nihilloteke ddoonanara, vayanoni viwa vihikhumeke ddoolleka.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Masalimo 112:2

Edduullu ddaye ddineerokhalla dda masiva va ellapo yavatthi, anamwani a muthooyo eneerodalisiwa.

Masalimo 69:36

Edduullu dda oorumeyellaaye ddineeroyaakhellattho, oomukonda eneerokhalla mwemmo.

2 Petro 3:13

Koma ninatiyera nnddo Apwiya yaanilonjezilliiwa, oddullu wanaanweene ni ellapo yavatthi yanaanweene, nko ori owaniwa wa echilungamo.

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Deuteronomo 33:12

Aallota dda nlloko na Benjamini wi, “Ookondiwa a Apwiya anaakhalle ni alliwa mootetezeya, alliwa aneeromukhupaarella enthawi ddittheddene, alliwa enaakhalleke variyari va ellapwaaye.”

Miyambo 20:7

Muthu oolungama ni oororomelleya, anaaye ennadala vatulli viwa.

Masalimo 63:5

Muneerokivoniha ni ddoonuna, kineerewuutitimihani ni mawu oohakallalla.

Masalimo 37:29

Oolungama eneerewaakhella ellapo yavatthi wi ekhalle yayiwa, eneerokhalla mwemmo wa enthawi yoohimalla.

Masalimo 37:22

Athu ayo Apwiya yaadalisalliiwa eneerewaakhella ellapo yavatthi, koma ayo Apwiya yaatembeleliiwa eneerewoonongeya.

Masalimo 36:8

Munnaachiha ddoonuna mpa mwanyu, munnaawiriha maaddi a mu muhinje wa madaliswaanyu.

Masalimo 31:19

Ophaamaanyu tti wuullupalli oyo mwaasungenlleenyu athu oowoovani, oyo muweerelleenyu athu oothawella wa nyuwaano, oyo wooniwe ni arive muthu.

Masalimo 37:9

Vallethi athu oonanara eneerewoonongeya, koma owaatiyera Apwiya eneerewaakhella ellapo yavatthi wi ekhalle yayiwayayiwa.

Masalimo 37:34

Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.