Masalimo 22:8 - Mawu a Mulluku

⁸ Enallota wi, “Waaroromella Apwiya, Apwiya yaayo yuuvulluse, ewoopollethi vano vawi ennuukonda.”

Masalimo 22:8 ပူးပေါင်းရင်းမြစ်များ

Masalimo 91:14

Kineeromuvullusa anakiwandeellella miyaano mweechikondi, kineeromuteteza kaambiiwa annadduwella nnddina naka.

Masalimo 18:19

Yaakiphiyiha onipuroni namurendelle, yaakivullusa kaambiiwa yaahakallalla ni miyaano.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Miyambo 16:3

Velleella mitteko ddawo wa Apwiya nave ddoolinga ddawo ddineerokeraattheya.

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Masalimo 37:5

Wiivelleelle m'mattani mwa Apwiya, waaroromelle nave eneerewuupwatha.

Luka 23:35

Athu yahiimella enoonella nave attekweene a Ayuda yamullotelliiwa epewe wi, “Aanaavullusa amodda, muhiyeni iivulluse yeekha, aari Mesiya ootthoolliwa ni Mulluku!”

Mateyu 12:18

“Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka, nave aneerollalleya dda echilungamwaaka wa athu a mitundu ddittheddene a ellapo yavatthi.

Masalimo 71:11

Enallota wi, “Mulluku oomuhiya, muthwareni manyallo mumuphare, vawi khaavo naari mmodda anaamuvulluse.”

Masalimo 42:10

Ovevulla wa adanaaka onnakivoreya wonanko nikhwata nookhwana na m'mwiillini mwaka, yaakikohaka enthawi ettheene wi, “Mullukwaawo ari wuuwi?”

Yobu 16:4

Keerollota wonanko muneerelleenyu, mwaariki wonanko kikhallelleemimmu. Keerodduvudda mweezeru murwaaka, keerotthukumaniha mawu awuuhumullullani.

Masalimo 109:25

Ookootthera ennakinyemulla, yakoona ennatikha miru ddiwa.