Masalimo 22:6 - Mawu a Mulluku

⁶ Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.

Masalimo 22:6 ပူးပေါင်းရင်းမြစ်များ

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yobu 25:6

Mwawiidde vano ni muthu oyo tti nipwihive, mwaana a muthu oyo tti muunguve?

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Aheberi 13:12

Ekaamba ya yeella Yesu nayeenettho aakhwella otte wa muzinda wi aweellihe athu ni nikhame naye.

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Masalimo 31:11

Adanaaka attheene enimakinyemulla, akhwaaka attheene enakeesa ello yoonanara. Athu awimoona odduwellanana enakeesa yawoopiha. Athu ookoona m'musewuni ennakithawa.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yohane 7:15

Attekweene a Ayuda yaattikhina ellota wi, “Muthu yoolla, anadduwella mwawiidde ddeko ddinchichi ahinahuddere?”

Maliro 3:30

Avelleelle nrama naye wa oopaalla omuukutha, avillelle ddoomunyaambusa ddittheddene.

Yohane 8:48

Ayuda yaamukoha Yesu wi, “Ethiyo ninnoottha voollotani wi, nyuwaano tti Musamariya* nave mookhalla ni munepa woonanara?”

Yohane 7:20

Mulloko waathoolle wahaakhulla wi, “Wookhalla ni munepa woonanara! Ttaani aneesesesa owiipha?”

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Masalimo 88:8

Mokimwallaniha ni akhwaaka, mookitthattusa ello yowaananara, koowallelliwa wawi ngiwora othawa.

Masalimo 31:1

Apwiya kinathawella wa nyuwaano, muhikiwullihe muru. Vano mukivulluse kaambiiwa nyu tti oolungama.

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

Masalimo 25:3

Ddawoona, attheene awuuroromellani ehiwulliwe muru, koma ayo enuukhootani mwaawullihe muru.

Masalimo 41:5

Adanaaka ennallota ddoonanara wa miyaano wi, “Ethiyo muthu yoolla anaakhwe niini wi atiwalleye?”