Masalimo 22:28 - Mawu a Mulluku

²⁸ Vawi olamulello ottheene tti wa Apwiya, alliwa tti mwene a mitundu ddittheddene.

Masalimo 22:28 ပူးပေါင်းရင်းမြစ်များ

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Obadiya 1:21

Athu oopambana a mwaango wa Ziyoni eneerogonjiha ni olamulella mwaango wa Esau nave eneeromulamulella, Apwiya aneena eneerokhalla mwene.”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Mateyu 6:13

Muhinikuselle woweesiwa, koma munivulluse wa Oonanarooyo.

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Yesaya 66:23

Athu a mitundu ddittheddene eneeroowa okillapella o Yerusalemu va erive Ehakallallo ya Wooneya wa Mweeri ni nirive nllapo na Sabata,” Apwiya aallota.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.