Masalimo 22:27 - Mawu a Mulluku

²⁷ Mitundu ddittheddene ddineerowuupuwella Apwiya ni waarukunuwella. Malloko mattheene eneerewaallapella.

Masalimo 22:27 ပူးပေါင်းရင်းမြစ်များ

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Masalimo 2:8

Ngakiveke woone, kineerotthattusa mitundu wi ddikhalle yoohallanaawo. Ellapo ettheene yavatthi enaakhalle yaawo.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Masalimo 96:7

Atitimiheni Apwiya, nyu athu a mitundu ddittheddene, akhullellani wi ntitimiho ni masiva tti ddayiwa.

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

Masalimo 117:1

Atitimiheni Apwiya, nyu mitundu ddittheddene dda athu. Nyu athu a mu ellapo ddittheddene, ariiheni wunchichi,

Masalimo 102:22

Mitundu dda athu ni mamwene ddineerotthukumana wi ddaallapelle Apwiya.

Masalimo 72:8

Aneerekolamulella ovenyera o enyanja emodda ophiya o enyanja emodda, ovenyerattho o muhinje ophiya o makomello wa ellapo yavatthi.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Yesaya 49:12

Ngoonani, athwaaka eneerovenyera woorekama, amodda ompoto, amodda woovollowa nndduwa, amoddattho o Asuwani, omwera.”

Masalimo 98:3

Ahuupuwella echikondiiwa yoohisintheya ni ororomelleya wiwa o enyumba ya Israele. Athu a wookomella ellapo yavatthi otthewene ahoona ovullusa wa Mullukwaahu.

Numeri 10:32

Wathaanana ni hiyaano, ddittheddene ddaphaama nnddo Apwiya enaaneerelliiwa, nineeroweerella ddennddo.”

1 Epilli 16:10

Kotellani nnddina niwa naweella, mirima dda oowaashaasha Apwiya ddihakallalle

Masalimo 69:33

Valle Apwiya ennawiiwa athu oohoowa, khenaavevulla athwiiwa oomakiwa ni onyolo.

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.