Masalimo 22:23 - Mawu a Mulluku

²³ Kineerollota wi, “Nyu oowoova Apwiya, atitimiheni nyu attheene edduullu dda Yakobo, ariiheni, nyu attheene Aisraele, avaheni olemu.

Masalimo 22:23 ပူးပေါင်းရင်းမြစ်များ

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Luka 1:50

Anaweerella echifundo ayo enamoova olliye ovenyera va mbado mmodda ophiyera mmodda.

Masalimo 115:11

Nyu ayo munawoova Apwiya, aroromelleni, Apwiya sika awuukaviherani ni awuutetezanani.

Masalimo 50:23

Koma othokoza wonanko mukutho onakititimiha, oyo aneera ddenndda, kineeromoonihella ovullusa waka.”

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Luka 2:20

Abusaayo yaahokollowa, emutitimihaka Mulluku va ddittheddene yiiwalliiwa ni woona, nnddo ddaallikanne ni yalleelliwiiwa ni angelwaalle.

Yesaya 25:3

Ekaamba ya yeella mitundu ddamasiva dda athu ddineerewuutitimihani, m'mizindani dda mitundu ddeekuku athu eneerowoovani.

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

Masalimo 115:13

Eneerewaadalisa ayo enawoova, ang'onong'ono ni uullupalliine.

Masalimo 106:5

wi koone ddooddiva dda ootthoolliwaanyu, wi kithapellena ehakallallo ya mutundwaanyu, wi kiriiheye vamodda ni yoohallanaanyu.

Masalimo 86:12

Nyu Apwiya Mullukwaaka, kinnuuthokozani ni murimaaka muttheene, kineerotitimiha nnddina nanyu wa enthawi yoohimalla.

Masalimo 33:8

Ellapo ettheene yavatthi ewooveke Apwiya, athu attheene ookhalla mu ellapo yavatthi etthukumelleke.

Masalimo 22:30

Edduullu ddamuhoollo ddineerewaarumeyella Apwiya, athu eneerotthopoollella mbado onawooyo dda alliwa.

Masalimo 26:12

Kookeraattheya vanipuroni noohikatamiha, kineerewaatitimiha Apwiya va mutthukumano muullupalli.

Masalimo 35:18

Vano kineerewuuthokozani va mutthukumano muullupalli, kineerewuutitimihani vamiitthoni va athwaanyu.

Masalimo 109:30

Kineerewaathokoza Apwiya wunchichi ni vayanoni vaka, kineerewaatitimiha variyari va mutthukumano wa athu.

Masalimo 111:1

Aleluya! Kineerewaathokoza Apwiya ni murimaaka muttheene, va mutthukumano wa athu oolungama.