Masalimo 22:15 - Mawu a Mulluku

¹⁵ Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Masalimo 22:15 ပူးပေါင်းရင်းမြစ်များ

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Masalimo 69:3

Koofooka ni winlla waka, ommilloni waka wohumma, m'mwiitthoni mwaka mookhalla epiphi kinamutiyerelleemi Mullukwaaka.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

Masalimo 38:10

Murimaaka onnakihiyahiya, masiva aakimallella, miitthwaaka aawa epiphi.

1 Akorinto 15:3

Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,

Masalimo 104:29

Mwaddiipitthihella ekhovaanyu, ddinnoova ni otathilla murima. Mwaddivenyihella mpweya, ddinnakhwa, ohokollweella onthupini.

Mateyu 27:50

Yesu aakhuwattho moollipiha nave aakhwa.

Miyambo 17:22

Murima woohakallalla onnattaphulla mwiilli koma woovoreya onnapwesa makhuva.

Yobu 29:10

Enduna ddaaneera ellapo tuu, muwano mwaanawumma.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Maliro 4:4

Nllumi na awaamwa ninnuumellella ommilloni ekaamba ya nthona. Anamwani ang'onong'ono ennaveka yoocha koma khaavo anaavaha naari vang'ono.

Masalimo 30:9

“Ethiyo munaaphurevo tini va okhwa waka kakitthella o mahame? Ethiyo athu yatthattuwa nthupi ttuuwuutitimihani? Ethiyo ttuullalleya dda ororomelleya wanyu?”

Yobu 34:15

ddaano ddookumi ddittheddene ddonongeyille, ddaano athu attheene ehokollweelle onthupini.

Yobu 10:9

Upuwellani wi mwakoopille ni olloko. Ethiyo vano munakihokollosella onthupini wenko?

Genesis 18:27

Abrahamu aallotattho wi, “Pepaani, koollipa murima voollotani mwawi ddiidda ni nyuwaano, Apwiya. Miyaanothi tti muthu shisha vamiitthoni vanyu.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Yobu 7:21

Kaambiiwa tini muhinakikhululukelleenyu machimwaaka ni okivenyihella ddoolakwa ddaka ddittheddene? Vawi enthawi yoovollowa mu mahame ehanlle vang'ono, muneerokaasha koma khamuwa mukoonattho.”

2 Samuele 14:14

Vallethi maaddi yatathiya khenawolleya. Nave attheene nineerokhwa. Mulluku khanapaalla wi okumi wa muthu otathiye koma anakhoza ettilla yawi awiikarihiwooyo ahokollowe.

Yobu 19:20

Koomalla, kihanlle makhuvave, kaayaamo, kivulluwalle vaweella vene.

Yobu 30:16

Vano murimaaka wookhumamo, enthawi ya ddookatamiha yookiphara.