Masalimo 22:11 - Mawu a Mulluku

¹¹ Muhinakirekamella, vawi ddoohoosa ddookaatamella, khaavo ookikavihera.

Masalimo 22:11 ပူးပေါင်းရင်းမြစ်များ

Masalimo 71:12

Nyu Mulluku, muhikirekamelle, nyu Mullukwaaka, akuvani okikavihera.

Masalimo 72:12

Olliye aneerewaavullusa oopaneya ayo enamwiithana, oohoowa oorama owaakavihera.

Masalimo 10:1

Nyu Apwiya kaambiiwa tini mwiimenlleenyu voorekamella, muniipittheenyu naahoosiwaka?

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Yohane 16:32

Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

Masalimo 38:21

Nyu Apwiya, muhikihiye meekha, nyu Mullukwaaka, muhikirekamelle.

Masalimo 35:22

Nyu Apwiya, moonille ddenndda, muhineera ellapo tuu! Nyu Apwiya muhinakirekamella miyaano.

Yesaya 63:5

Kaawehaweha koma khaarivo ookikavihera, kaattikhina wunchichi wi khaarivo ookillipiha. Sika kapambanille ni masivaaka nave osha murima waka waakillipiha mwiilli.

Masalimo 69:18

Kaatamelleni mukoopolle, kivulluseni wa adanaaka.

2 Mamwene 14:26

Apwiya yahoona wi ddookatamiha dda Aisraele ddaari ddawoopiha. Khaavo naari mmodda ahanlle kaporo apaalle oottaphulliwa, awi ttuuwakavihera.

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Mateyu 26:74

Vano Petro ahaamba wiitembelela yeekhaaye ni ollupella wi, “Nginamudduwella muthu yoolle.” Vano enthawi yeeyo mutthupi wahinlla.

Mateyu 26:72

Nave wiillittho aaruna ni ollota wi, “Kinimallupella wi nginamudduwella muthu yoolle.”

Masalimo 71:6

Mookiseera, waambeella eyariwellwaaka, mwaakikhumiha m'murimani mwa amoowaaka, kinnuutitimihani nyuwaano erive enthawi.