Masalimo 20:5 - Mawu a Mulluku

⁵ Sika niipe moohakallalla kaambiiwa moopambana vakhotoni, niwellihe embendela otitimiha nnddina na Mullukwaahu. Apwiya ekwakhwanihe ddittheddene muvekilleenyu.

Masalimo 20:5 ပူးပေါင်းရင်းမြစ်များ

Eksodo 17:15

Nave Mose aamaka nikuwa aanivaha nnddina nawi, “Apwiya sika embenderaaka.”

Masalimo 60:4

Komave moowelliha embendela wa ayo enawoovani wi evulluwellewo muura.

1 Samuele 1:17

Vano Eli aamwaakhulla wi, “Rowani ni murendelle, Mulluku a Aisraele aweerelleni nnddo muddivekilleenyu.”

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 25:9

Nllapo nenno arive muthu aneerollota wi, “Olla sika Mullukwaahu! Naamuroromella wi aneeronivullusa vawi olliye tti Apwiya. Naamuroromella vano hankoni nihakallalle ni othapella ekaamba yawi oonivullusa.”

Luka 1:47

nave munepaaka wohakallalla ekaamba ya Mulluku, oovullusaaka,

Masalimo 118:15

Iwani machipo oohakallalla m'misasani dda athu oolungama awi, “Nnattanatta na Apwiya ninnagonjiha mwamasiva,

Masalimo 35:9

Sika murimaaka oneerohakallalla mwa Apwiya, othapella wi aakivullusa.

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

Masalimo 9:14

wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.

Habakuku 3:18

kineerohakallalla ni okotella mwa Apwiya kaambiiwa Apwiya Mulluku tti oovullusaaka.

Mika 4:5

Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

Masalimo 19:4

Koma othengiiwa onnavuwa va ellapo yavatthi ettheene, mawiiwaayo ennaphiya wookomella ellapo yavatthi. Mulluku aanimakella nndduwa enyumba muddullummo.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Masalimo 21:1

Apwiya, mwene annahakallalla kaambiiwa moomuvaha masiva, annathapella wunchichi kaambiiwa moomupambaniha.

1 Samuele 17:45

Koma Davide aamulleella Mufilistooyo wi, “Owiille wa miyaano okusalle nsupada ni nivaka. Koma miyaano kinawa wa weyaano mu nnddina na Apwiya Amasiva Mattheene, Mulluku a akhoto a Aisraele, oyo onamuvevulleewe.

Masalimo 21:3

Munnaphiya wa mwenooyo ni madaliso aphaama wunchichi, munnamuwariha enduwira yoomwene ya golide aphaama va muru vaye.