Masalimo 2:5 - Mawu a Mulluku

⁵ Moonanariwa, eneerewaahumullulla, moowoopopiha, eneerewaasimwella.

Masalimo 2:5 ပူးပေါင်းရင်းမြစ်များ

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Masalimo 21:9

Akhumellella, aneerowoononga wonanko munllo wawoopiha. Apwiya eneerewaatthollosa ekaamba yowaallutuwella, eneerewaashellelliha.

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Zekariya 1:15

Kohaananariwella wunchichi athu a mitundu ddimodda ayo eri vamurendelleni. Vawi kaananariwelleemi athwaaka mooyeva koma alliwa sika yoonjereriiwa waahoosa athwaaka.

Yesaya 66:6

Ngiiwani winlla woovenyera mu muzinda! Ngiiwani mawu mu enyumba ya Mulluku, mawu a Apwiya vawaahokollosellani ddoonanara adaniiwa.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Masalimo 109:20

Ddenndda ddikhalle mallivello oovenyera wa Apwiya waamorella ookootthera, ddaamorelle ayo enallota ddoonanariha okumaaka.

Yesaya 34:2

Vawi Apwiya yohaashella murima athu a mitundu ddittheddene nave yooddinanariwella milloko ddittheddene ddakhoto sika yoosimikiza wi yoonongiwe ni waavelleella wi yiiphiwe.