Masalimo 2:4 - Mawu a Mulluku

⁴ Apwiya ayo eri oddullu, ennaattheya ni waanyaambusa.

Masalimo 2:4 ပူးပေါင်းရင်းမြစ်များ

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

Masalimo 59:8

Koma nyu Apwiya, munnaattheya, munnaanyaambusa athu a mitundu ddimodda.

Yesaya 40:22

Ellapo yavatthi yaphatusiwe ni olliye, oyo anakhalla va mpandwaaye woomwene oddullu, anawoona athu a vatthimva wonanko middope, anaanddellella mirapo wonanko ekuwo, wonanko musasa wookhallamo.

Miyambo 1:26

Sika kineerewuuttheyani mwaahoosiwaka. Kineerewuunyemullani mwaakumanaka ni ddookatamiha,

Masalimo 11:4

Apwiya eri mu enyumbiiwa yaweella, mpando woomwene wa Apwiya ori oddullu. Miitthwiiwa ennamoona arive muthu, ennadduwella nnddo eneeriiwa.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Masalimo 115:3

Mullukwaahu ari oddullu, anneera erive ello anapaalleeye.

Masalimo 53:5

Yaallathi eneerewoova wunchichi okhwaranya khalle, vawi Mulluku aneeromwara makhuva a adanaanyu, muneerewaawulliha muru vawi Mulluku ohaakhoota.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Masalimo 68:33

Apwiya ayo enawella m'miraponi, muddullu mwakhallekhalle iwani mawiiwa amasiva manchichi.

2 Mamwene 19:21

Voomuvaanyihani mwenooyo Apwiya yaallota wi, “We Senakeribu, Ziyoni annuuvevulla ni wuuttheya, Yerusalemu annapukusa muru otulli wawo moohinyulla.

Masalimo 59:9

Nyuwaano sika masivaaka, miitthwaaka eri va nyuwaano, nyu Mulluku sika mpandaaka.

Masalimo 123:1

Kinnatukhulla miitthwaaka oweha wa nyuwaano, nyu munakhalla va mpando woomwene oddullu.