Masalimo 19:9 - Mawu a Mulluku

⁹ Owoova Apwiya tti waphaama, khonamalla. Echiweruzo ya Apwiya tti yawoona wunchichi, tti yoolungama erive enthawi.

Masalimo 19:9 ပူးပေါင်းရင်းမြစ်များ

1 Samuele 12:24

Muwooveke Apwiya nave mwaarumeyelleke mookhulupilileya ni murimaanyu muttheene. Enthawi ddittheddene muupuwelleke ddeko dduullupalli nnddo eweerelleewani.

Masalimo 119:142

Echilungamwaanyu tti ya enthawi yoohimalla, malamulwaanyu tti awoona.

Masalimo 119:1

Oodala tti ayo meetellwiiwa ehinna yoochimwa, ayo eneeta moothwara malamulo a Apwiya.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Masalimo 115:13

Eneerewaadalisa ayo enawoova, ang'onong'ono ni uullupalliine.

Masalimo 111:10

Owoova Apwiya tti waamba wa ezeru, oothwara malamulwiiwa annakhalla ni odduwella. Apwiya tti ootitimiheya wa enthawi yoohimalla.

1 Mamwene 18:12

Apaalle mi kavenyavo mva, munepa a Apwiya ttuuwuuvenyihanivoni oya nko kihinadduwelleemiwo. Vano kaya kamulleella Ahabu, olliye aahuuphwanyanivoni aneerokiipha naari mi oorumeyellaanyu kiwoovaka Apwiya waambeella enamwanaaka.

Deuteronomo 4:8

Nave ethiyo tti mutundu muullupalli oovi oyo ori ni malamulo ni malangizo oolungama wonanko alla kuuhuddihalleemini ollello?

Genesis 42:18

Viviralle mallapo mararu Yosefe ahaalleella wi, “Vawi miyaano kinnamoova Mulluku, muneerovulluwa vaavove mweera nndda.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 16:7

Vano kahiiwa mawu oovenyera va nikuwa na mukutho ellotaka wi, “Apwiya Mulluku Amasiva Mattheene! Ddaweeruza ddanyu tti ddawoona ni ddoolungama!”

Aroma 2:2

Attheene ninnadduwella wi echiweruzo ya Mulluku va athu eneera ddeko ddenndda tti yawoona.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.

Masalimo 119:106

Koollupella nave koosimikiza wi kiiwellelle malangizwaanyu oolungama.

Masalimo 119:7

Kineerewuutitimihani vaweerani ddoophwanellella, voohudderani malangizwaanyu oolungama.

Masalimo 36:6

Echilungamwaanyu tti wonanko miyaango ddoorekama, echiweruzwaanyu tti wonanko enyanja yoowallamella, nyu Apwiya, munnaapwatha athu ni enama ddene.

Masalimo 36:1

Machimo ennallota m'murimani mwa muthu oonanara, khanamoova Mulluku m'maganizoni mwaye.

Masalimo 10:5

Muthu oonanara ddeko ddaye ddinnamweetella phaama erive enthawi. Khaniiwesesa echiweruzo ya Mulluku, annaanyemulla adanaaye.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

Eksodo 21:1

“Vano waalleelle Aisraele malamulo wi,

Genesis 22:12

Mungelooyo aallota wi, “Ohinamwiipha mwaanooyo apaalle omweerana erive ello. Vano koodduwella wi weyaano onnamwiiwellella Mulluku vawi khokiimanne mwanawo mmoddave yooyo.”

Aroma 11:22

Wehesesani phaama echifundo ya Mulluku ni owallaaye. Annawoopella owalli ayo echimwalle koma annaweerellani echifundo nyuwaano mwavirellella okhulupilila echifundwaaye. Nave mwaaheera ddiiddo nyuwaano Mulluku aneerowinttakani.

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Masalimo 147:19

Ennamudduwelliha Yakobo mawiiwa, ennamuhuddiha Israele malamulwiiwa ni malangizwiiwa.

Masalimo 119:75

Nyu Apwiya kinnadduwella wi echiweruzwaanyu tti yoolungama moollikana ni ororomelleya wanyu.

Masalimo 119:62

Kinnavenya mahiiyu wi kuutitimiheni, ekaamba ya malangizwaanyu oolungama.

Masalimo 119:39

Mukivenyihelle epewe eyo kinayooveemi kaambiiwa malangizwaanyu tti aphaama.

Masalimo 12:7

Apwiya niseereni, nikhupaarelleni wa athu yaalla wa enthawi yoohimalla.

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

Yesaya 45:19

Ngaallotille mwawiipitthiha vanipuroni noovittheya mu ellapo yeepiphi. Ngaaddilleelle edduullu dda Yakobo wi ddikaashaasheke o ellapo yoohikhalliwa. Mi Apwiya kinallota ddawoona, kinallalleya ddoolungama.”