Masalimo 19:8 - Mawu a Mulluku

⁸ Ehuddiho ya Apwiya tti yawoona, ennahakallalliha murima. Malamulo a Apwiya tti aweella, ennaahulla athu miittho.

Masalimo 19:8 ပူးပေါင်းရင်းမြစ်များ

Masalimo 12:6

Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.

Masalimo 119:105

Mawaanyu tti enyali ya omanyalloni waka, ennamolleella ettillaaka.

Yeremiya 15:16

Kiiwalleemi mawaanyu kaawaakhella wonanko yoocha nave yaakivaha othapella ni ehakallallo. Nyu Apwiya Amasiva Mattheene, valle miyaano kinadduwelliwa ni nnddina nanyu.

Miyambo 30:5

Mawu mattheene a Mulluku tti awoona. Olliye tti yootetezella ya ayo enathawella wa olliye.

Masalimo 119:128

Malamulwaanyu mattheene ennookollella meetellwaaka, kinniitana ni erive ettilla yoolleka.

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

Masalimo 119:92

Malamulwaanyu yahikihakallallihalleke, ddaano koonongeyille ni ddoohoosa ddaka.

Masalimo 119:80

Murimaaka ohikhalle ni yoolakwa va malamulwaanyu wi kihiwulliwe muru.

Miyambo 6:23

Vawi malamulo tti enyali, malangizo tti owala nave ohumullulla tti ettilla yookumi.

Aroma 7:22

Murimaaka muttheene onnahakallalla ni malamulo a Mulluku.

Agalatiya 2:19

Vano Miyaano kiri wonanko ookhwa ekaamba ya malamulo. Sika nginakhalla ni okumi wi kirumeyelleke malamulo koma kimurumeyelleke Mulluku. Kootthomeyiwa vamodda ni Khrisitu vamutandani,

Aroma 3:20

Vawi Mulluku khaamulungamihalle arive muthu vamiitthoni vaye ekaamba ya wiiwellella malamulo. Malamulo enakhulla moona waadduwelliha athu wi aachimwa.

Aroma 7:7

Vano ninaallote tini? Ethiyo ninaallote wi malamulo tti machimo? Khe ddiiddo! Koma malamulo yaariki ehikhallewo, ngaadduwelle machimo. Nave ngaadduwelle osilila malamulo yaariki ehillote wi, “Ohisilile.”

Masalimo 119:16

Kineerohakallalla ni malamulwaanyu, mawaanyu ngiwa kaatiwalla.

Masalimo 119:14

Weeta mu ettilla ya malamulwaanyu onnakihakallalliha okhwaranya okhalla ni eyuuma yinchichi.

Ezekiele 36:27

Kineerohiya munepaaka mwa nyuwaano nave kineeroweerihani wi muthwareke malangizwaaka ni osunga malamulwaaka.

Masalimo 119:171

Vayanoni vaka vineerewuutitimihani kaambiiwa munnakihuddiha malamulwaanyu.

Masalimo 119:143

Ddookatamiha ni ddoovoreya ddookimorella, koma malamulwaanyu ennakihakallalliha.

Masalimo 119:130

Otthopoollella mawaanyu onakhalla wonanko owala, onnavaha ezeru wa athu oohikhalla ni ezeru.

Masalimo 119:121

Koheera nnddo ddiri ddoolungama nave ddaphaama, muhikihiye m'mattani mwa ookihoosa.

Masalimo 119:40

Ngoonani kinnakhallella munkhella malamulwaanyu, mukivahe okumi kaambiiwa nyuwaano tti oolungama.

Masalimo 119:12

Nyu Apwiya, mutitimiheye, kihuddiheni malamulwaanyu.

Masalimo 105:45

wi athwiiwa esungeke malangizo, ethwareke malamulwiiwa mattheene. Aleluya!

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Masalimo 13:3

Mukuupuwelle, mukaakhulle, Apwiya Mullukwaaka, llipihani miitthwaaka wi kihikhwelle wiirulloni.

Eksodo 18:16

Athu yaakanganaka, enawa wa miyaano nave kinnaweeruza wi koone wi anallota ddawoona ttaani. Nave kinnaahuddiha mawu a Mulluku ni malamulwaaye.”

Genesis 26:5

Kineerewuudalisa kaambiiwa Abrahamu aakiiwellella nave aasunga mawaaka, malamulwaaka, echiweruzwaaka ni malangizwaaka.”

Agalatiya 3:21

Ethiyo malamulo ennavaanyana ni malonjezano a Mulluku? Kheneera ddiiddo! Vawi vakhanlleke lamulo noovaha okumi sika arive muthu aaweerekokhalla oolungama vawiiwellellani lamulonno.

Yesaya 64:5

Munnawaakhella attheene ookonda echilungamo, aweeseesa weeta moollikana ni opaalla wanyu. Ddawoona, mwaanishella murima komave hiyaano naavirellella ochimwa. Noochimwa wa enthawi yoorekama. Ethiyo vano ninoopolliwe mwawiidde?

Masalimo 119:54

Malamulwaanyu aatthattuwa echipwaaka orive weko kinayeemi.

Masalimo 119:24

Ombonaanyu onnakihakallalliha, tti yooyo onakilangiza.

Nehemiya 9:13

Mwaakitthella va mwaango wa Sinai, mullota ni alliwa ovenyera oddullu nave mwahaavaha malangizo, malamulo ni ehuddiho ddaphaama ni ddawoona.

Nehemiya 8:12

Nave athu attheene yaarowa owaniwa wi yache ni owirya navettho wi yaakawelle athu amodda ddoocha wi yeereye ehakallallo yuullupalli ekaamba yawi yahiiwesesa mawu a malamulo ayo yeerengiwe wa alliwa.

Deuteronomo 16:14

Muhakallalleke wunchichi va nllaponno, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi, alleto, akhwaadduni ni anaamukhwelle ayo enakhalla variyari vanyu.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

2 Mamwene 17:37

Mupwatheke malamulo ni ehuddiho, malangizo ni malamulo ayo mi Apwiya kawinnyalleemini. Muhillapelleke milluku ddimodda

Masalimo 93:5

Nyu Apwiya malamulwaanyu tti oororomelleya, enyumbaanyu tti yaweella wa enthawi yoohimalla.

Masalimo 111:7

Mitteko dda mattiiwa tti ddawoona ni ddoolungama, Malamulwiiwa mattheene tti oororomelleya.