Masalimo 19:7 - Mawu a Mulluku

⁷ Malangizo a Apwiya tti aphaama wunchichi, ennahihimulla okumi. Omboni wa Apwiya tti woororomelleya, onnaavaha ezeru ayo ehinna.

Masalimo 19:7 ပူးပေါင်းရင်းမြစ်များ

Masalimo 119:130

Otthopoollella mawaanyu onakhalla wonanko owala, onnavaha ezeru wa athu oohikhalla ni ezeru.

Masalimo 111:7

Mitteko dda mattiiwa tti ddawoona ni ddoolungama, Malamulwiiwa mattheene tti oororomelleya.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Miyambo 1:4

Ddinnamweeriha muthu eenamwani okhalla oochenjera nave ddinnamuhuddiha musombwe odduwella ni oganiza phaama.

Masalimo 23:3

Ennahihimulliha okumaaka, ennakihoollella mu ettilla ddaphaama ekaamba ya nnddina naye.

Masalimo 119:105

Mawaanyu tti enyali ya omanyalloni waka, ennamolleella ettillaaka.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Masalimo 93:5

Nyu Apwiya malamulwaanyu tti oororomelleya, enyumbaanyu tti yaweella wa enthawi yoohimalla.

2 Timoteo 1:8

Ohiwulliweke muru ovelleella omboni dda Apwiihu naari dda miyaano kiriimi mundende ekaamba ya Khrisitu koma okawane ni miyaano ddoohoosa ekaamba ya othenga waphaama mu masiva a Mulluku.

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

Aroma 15:4

Nave mawu a Mulluku mattheene yaalembiwe khalle enanihuddiha hiyaano. Mawaayo ennanillipiha murima ni onikhalliha oovillella wi nikhalle ootiyera.

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

Yoswa 1:8

Weerengeke nibukhu namalamulonna nave otthaana ni mahiiyu opwatheke ddoolembiwa mwemmo wi oddisunge ddittheddene. Vano waaweeraka ddiiddo oneerokhalla phaama nave oneeropambana.

Mitteko 10:43

Anamallotella attheene yaallota dda olliye wi, attheene enakhulupilila mwa olliye eneerokhululukelliwa machimwiiwa oweella mwamasiva a nnddina naye.”

Masalimo 119:72

Malamulo avayanoni vanyu ennakiddivella okhwaranya golide ni siliva.

Masalimo 18:30

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Yobu 23:12

Ngihiyalle wiiwellella malamulo avayanoni vaye, kohaahiyesesa vamurimani okhwaranya ddoopaalla ddaka.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Masalimo 119:24

Ombonaanyu onnakihakallalliha, tti yooyo onakilangiza.

Masalimo 119:14

Weeta mu ettilla ya malamulwaanyu onnakihakallalliha okhwaranya okhalla ni eyuuma yinchichi.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Yesaya 8:16

Owumake phaama ombonoolla nave waamarelle mawu yaalla variyari va oohudderaaka.

Masalimo 119:152

Kaadduwella mawaanyu ovenyera khalle wi mwahaakeraatthiha wa enthawi yoohimalla.

Masalimo 119:9

Ethiyo musombwe ttuusunga mwawiidde makhallellwaaye wi akhalle aweella? Vowaapwathani moollikana ni mawaanyu.

2 Samuele 23:5

Vano Mulluku aneerodalisa edduullu ddaka kaambiiwa olliye aheera echipangano yoohimalla ni miyaano. Echipangano yootthopoowa phaama ni yoohimalla. Nndda sika kinakhallelleemi munkhella nave sika ddinaakivulluse, Mulluku sika anaaweere ddenndda.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Aroma 3:2

Okhalla Muyuda tti waphaama mu ettilla ddittheddene! Vawaamba, Mulluku ahaavaha Ayuda mawaaye wi yaasunge.