Masalimo 19:13 - Mawu a Mulluku

¹³ Muhaakhullelle wi oorumeyellaanyu achimweke phudda ahilamulelliweke ni machimo. Vano kineerokhalla oolungama, ohikhalla ni mullatu wa machimo muullupalli.

Masalimo 19:13 ပူးပေါင်းရင်းမြစ်များ

Masalimo 119:133

Seerani meetellwaaka moollikana ni mawaanywaalle, muhinaakhullella wi nirive nichimo nikilamulelleke.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

1 Samuele 25:39

Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.

Masalimo 7:10

Mulluku sika echishangwaaka, annaavullusa athu oolungama.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Genesis 20:6

Mulluku aamwaakhulla moolloha mwemmo wi, “Ee kinnadduwella wi weyaano waheera ddenndda moohikhalla ni yawuupusella murima. Mwawi ddiiddo kuuvaanyihalle tti miyaano wi ohikichimwelle vookonani ni mutthiyanooyo.

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

Masalimo 18:23

Ngaari ni mullatu vamiitthoni vaye kaanaarapa machimo mu okumaaka.

Masalimo 11:7

Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.

Eksodo 21:14

Koma muthu amwiipha muthu mwaphudda, moomulleka, iiphiwe naari athawenlle onikuwani naka.

Levitiko 4:2

aalleelle Aisraele wi, “Arive muthu anachimwa apaalle aneera moohidduwella erive ello yoovaanyihiwa ni malamulo a Apwiya, avelleelleke mukutho.

Levitiko 4:13

“Mutthukumano muttheene wa Aisraele wachimwa moohidduwella erive ello yoovaanyihiwa ni malamulo a Apwiya, mutthukumano muttheene okhalle woochimwa.

Levitiko 4:22

“Oolamula achimwa moohidduwella erive ello yoovaanyihiwa ni malamulo a Apwiya Mullukwaaye, olliye tti oochimwa,

Levitiko 4:27

“Arive muthu ashisha achimwa moohidduwella erive ello yoovaanyihiwa ni malamulo a Apwiya, muthooyo akhalle oochimwa,

Yobu 34:32

Mukihuddihe nnddo kihinaddooneemi, kaarimi keerille yoohilungama, ngiwa keeraattho.’