Masalimo 18:50 - Mawu a Mulluku

⁵⁰ Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.”

Masalimo 18:50 ပူးပေါင်းရင်းမြစ်များ

Masalimo 144:10

Nyuwaano munnaapambaniha mamwene vakhotoni, munnamwaakhiha Davide oorumeyellaanyu onsupadani.

2 Samuele 7:13

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

Aroma 11:29

Vawi Mulluku khanasintha maganizwaaye aawiithanaka athu apaalle aawaavahaka emphaso.

Masalimo 132:10

Ekaamba ya oorumeyellaanyu Davide, muhimureye etulli oozoziwaanyu.*

Agalatiya 3:16

Vano Mulluku aheera malonjezwaaye wa Abrahamu ni edduullu ddaye. Mawu a Mulluku voollotani wi, “Edduullu ddaye” khenattaphullella wi, “Athu anchichi” koma enattaphullella wi, “Edduullwaaye” ottaphullella wi, “Muthu mmoddave” nnddina naye Khrisitu.

Luka 1:69

Oonivaha Oovullusa amasiva, edduullu ya Davide, oorumeyellaaye,

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

1 Epilli 17:27

Sika vano kinuuvekani wi mudalise nibanja na mi oorumeyellaanyu wi nikhallekewo wa enthawi yoohimalla vamiitthoni va nyu, Apwiya Mulluku. Vawi eyo muyidalisalleenyu enakhalla yoodaliseya wa enthawi yoohimalla.”

1 Samuele 2:10

Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*

Aroma 1:3

Othenga yoolla onallota dda mwanaye, Apwiihu Yesu Khrisitu. Olliye tti edduullu ya Davide moollikana ni omuthu.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Masalimo 57:10

Echikondaanyu yoohisintheya ennaphiya oddullu, ororomelleya wanyu onnaphiya omiraponi.