Masalimo 18:45 - Mawu a Mulluku

⁴⁵ Athu a mitundu ddimodda yaatathilla murima yaakhuma m'mipandani mwiwa etthukumellaka.

Masalimo 18:45 ပူးပေါင်းရင်းမြစ်များ

Mika 7:17

Eneerewuupuruseya munthupini wonanko enowa apaalle ddoophatusiwa ddimodda ddawaapadda. Enaawe etthukumellaka ovenyera o mipanda ddoollipa ddiwa nave mwawoova eneerorukunuwella wa nyu Apwiya Mullukwaahu nave eneerowoovani.

Yawuupullulla 6:16

Yaakhuwa wa miyaango ni malluku wi, “Munimorelle hiyaano nave munivitthe vamiitthoni va oyo anakeraatthi va mpando woomwene ni o osha murima wa mwaanaankhosa.

Yakobo 1:11

Vawi nndduwa ninnakhuma ni oviha wiwa nave ninnuumiha ddoomella, malluwaaye ennamora navettho oreera wiwa onnamalla. Mwawi ddiiddattho muthu eeyuuma aneeronyaalla apharaka mutteko moohakallalla.

Yesaya 24:4

Ellapo eniminlla ni onyaalla. Ellapo ettheene yavatthi enimahoowa ni wumma nave athu oovuwa a va ellapo yavatthi aafooka.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

2 Samuele 8:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 81:16

Keerewuuchihani othu woosilleya wa tirigu, keerewuuvonihani ni enwi yam'mallukuni.”