Masalimo 18:43 - Mawu a Mulluku

⁴³ Mwaakivullusa wa oollipana ni miyaano, mwaakitthattusa mwene a mitundu, sika athu oohaadduwella yaanakirumeyella.

Masalimo 18:43 ပူးပေါင်းရင်းမြစ်များ

Yesaya 55:5

Vano muneerewiithana mitundu nnddo muhinaddidduwelleenyu, mitundu ddoohuudduwellani ddineeroowa mwawaakuva wi ddikhalle ni nyuwaano, ekaamba ya mi Apwiya Mullukwaanyu, Aweella a Israele oyo kinuuvahani oriiheya.”

2 Samuele 3:1

Vano ekhoto variyari va athu a Saulo ni athu a Davide yaavirellellave wa enthawi yoorekama. Masiva a Davide yaanavirellella waata koma masiva athu a Saulo yaanavirellella oyeva.

2 Samuele 19:9

Vano athu attheene a malloko a Aisraele yaanakangana weekhiiwa. Yallota wi, “Mwene Davide aanivullusa wa adanaahu nave aanoopolla wa Afilisti. Koma vano ookhuma mwiillaponimmu, omuthawa Abishalomu.

1 Petro 2:10

Khalle nyuwaano khamwaari athu a Mulluku koma vano nyuwaano tti athwaaye. Khalle nyuwaano khamwaadduwenlle echifundo ya Mulluku koma vano mohaakhella echifundo.

Aefeso 1:22

Mulluku aahiya ddeko ddittheddene m'mattani mwa Khrisitu nave aamweeriha wi akhalle muru a ddeko ddittheddene wi apindulelle mpingo.

Yesaya 52:15

Emoddamoddavettho athu a mitundu ddittheddene eneerottikhina, naari mamwene eneerorama yoollota, vawi ddeko ehinalleelliwekiiwa eneeroddoona, ddeko ehiniiwekiiwa eneeroddiiwesesa.”

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Aroma 16:26

Koma vano Mulluku a enthawi yoohimalla aalamula wi yawooneeyo yuupullulliwe mu ddoolemba dda anamallotella nave wi edduwelliwe ni athu attheene wi ekhulupilile ni wiiwellella.

Aroma 15:18

Kineerollota moohoova ddennddove Khrisitu eerilleeye oweella mwa miyaano wi kineeroweeriha athu ayo ehiri Ayuda omwiiwellella Mulluku. Kineereweera ddenndda voollotani ni voopharani muttekwaaka

Aroma 15:12

Namallotella Yesaya anallotattho wi, “Mmodda a edduullu dda Yese aneeroowa, aneeroowa wi aalamulelle athu a mitundu ddimodda nave alliwaayo enaatiyereke va olliyooyo.”

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Hoseya 1:10

Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Masalimo 108:9

Mowabu tti embalaaka yoonawellamo, Edomu tti voonyingallavo esapato ddaka, kineerokhuwa moohakallalla kimugonjihalle Filistiya.”