Masalimo 18:30 - Mawu a Mulluku

³⁰ Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Masalimo 18:30 ပူးပေါင်းရင်းမြစ်များ

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Miyambo 30:5

Mawu mattheene a Mulluku tti awoona. Olliye tti yootetezella ya ayo enathawella wa olliye.

2 Samuele 22:31

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Masalimo 12:6

Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Masalimo 119:140

Mawaanyu tti oosimikizeya, mi oorumeyellaanyu kinnaakonda.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Masalimo 25:10

Ettilla ddittheddene dda Apwiya tti dda echikondi yoohisintheya, tti ddoororomelleya wa athu oosunga echipanganwiiwa ni malamulwiiwa.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Masalimo 17:7

Onihani echikondaanyu yoohisintheya vaweerani ddoottikhiniha, nyuwaano munnaavullusa ni nnattanatta nanyu namasiva, attheene ayo enawa wa nyuwaano yaawaathawaka adaniiwa.