Masalimo 18:28 - Mawu a Mulluku

²⁸ Nyu Apwiya, munnakhariha enyalaaka, Mullukwaaka, munnakimolleella mwiipiphini.

Masalimo 18:28 ပူးပေါင်းရင်းမြစ်များ

Yobu 29:3

enthawi eyo enyalaaye yamolleelliiwa va muru vaka, owala waye wakihoollelliiwa mwiipiphini,

2 Samuele 22:29

Nyu Apwiya tti enyalaaka, Mullukwaaka, munnakimolleella mwiipiphini.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

Miyambo 20:27

Munepa wa muthu tti enyali ya Apwiya onnamolleella dda muwari mwa murima wa muthu.

Masalimo 112:4

Naari enthawi ya epiphi, muthu oolungama aneeta moowala, kaambiiwa tti ooreera murima, eechifundo ni awoona.

Yesaya 62:1

Ekaamba ya Ziyoni ngeera ellapo tuu, ekaamba ya Yerusalemu ngiithuuwa ophiyera echilungamwaaye yooneyille vaweella wonanko owala, ovullusa waye wonanko mutthiko wookhara.

Masalimo 132:17

Davide kineeromuphuwelliha nnyaka wenko, koomukhozella enyali oozoziwaaka.

Yobu 18:6

Owala wa mpa mwaye woothiima, enyalaaye vakhwipimva khenakhara.

1 Mamwene 15:4

Koma ekaamba ya Davide, Apwiya Mullukwaaye yaamuvaha Abiya mwaana wi avollowe omwene.

1 Mamwene 11:36

Koma kineeromuvaha nlloko nimodda wa enthawi yoohimalla wi vikhalle edduullu ya Davide oorumeyellaaka wi elamulelleke mu Yerusalemu, muzinda kawutthoonlleemi wi nnddina naka nillapelliwekemo.

Yesaya 2:11

Wiitukhulla wa athu oneeromalla nave okota wa athu oneerewoonongiwa. Apwiyave sika enaariihiwe nllapo nenno.

Yesaya 2:12

Apwiya Amasiva Mattheene aakeraatthiha khalle nllapo nno enaakitthihiiwa attheene ookota, awiitukhulla ni awiinyarulla.