Masalimo 18:21 - Mawu a Mulluku

²¹ Miyaano kaathwara ettilla dda Apwiya, ngaachimwalle voomuhiyani Mullukwaaka.

Masalimo 18:21 ပူးပေါင်းရင်းမြစ်များ

Masalimo 119:102

Nginahiyanana malangizwaanyu vawi nyuwaano mwaakihuddiha.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

Miyambo 8:32

“Vano anaaka, apellani maaru, oodalisiwa tti ayo enasunga ettilla ddaka.

Masalimo 26:1

Nyu Apwiya, kamullani wi ngilakwille moollikana ni echilungamwaaka vawi miyaano tti oohilakwa, kohuuroromellani moohikayika.

1 Atesalonika 2:10

Nyuwaano tti ambonaahu ni Mullukuttho wi makhallellwaahu wa nyuwaano munakhulupilila, yaari aweella, oolungama ni oohikhalla ni yoolakwa.

Masalimo 17:4

Voohipwathani makhallello a athu amodda, kinniiwellella mawu a muwano mwanyu, nginathwara ettilla dda athu awaanganyera.

2 Epilli 34:33

Yosiya aavenyiha ddeko ddoonanara ddittheddene o ellapo ddittheddene dda Israele nave aaweeriha athu attheene a o Israele wi yaarumeyelleke Apwiya Mullukwiiwa. Mwawi athwaayo kheyaahiyalle waarumeyella Apwiya Mulluku a makhollwiiwa.

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.

2 Epilli 20:32

Yehoshafati aathwara echisanzo yaphaama ya attiitthinnya, khaahiyalle ddennddo. Aaneera echilungamo vamiitthoni va Apwiya.

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Daniele 6:23

Mwene aahakallalla wunchichi nave aalamula wi Daniele akhumihiwe munllitini. Sika Daniele aakhumihiwa ahivoreyeye naari vang'ono kaambiiwa aamuroromella Mullukwaaye.