Masalimo 18:14 - Mawu a Mulluku

¹⁴ Aavokha mipaamba ddaye, waapallallesa adanaaye, ahaamolleella ni ettari awiikariha.

Masalimo 18:14 ပူးပေါင်းရင်းမြစ်များ

Masalimo 144:6

Sheremihani ettari wi mwaamware adanaaka, vokhani mavakaanyu wi muwiikarihe.

Habakuku 3:11

Nndduwa ni mweeri muddullu ddahiimella ooheeta ddoonille osherima wa mipaamba ddanyu ddoothamaka ni onyezimella wa mavakaanyu oowala.

Yesaya 30:30

Apwiya eneerovuwiha mawiiwa awoopiha nave athu eneerewoona nnatta niwa nikitthaka va alliwa ni owalli wawoopiha ni mallumi amunllo wawoononga variyari va ettari, namondwe ni marallalla.

Masalimo 77:17

Mirapo ddahiitha maaddi, muddullu mwaagugudeya, osherima waari erive embali.

Yobu 6:4

Vawi mipaamba dda Mulluku Amasiva Mattheene ddookihoma, okumaaka wooddalla ni nttipwi niwa. Ddawoopiha dda Mulluku ddookuupa.

Yoswa 10:10

Apwiya yaaweeriha adanaayo wi yoove yawoonilliiwa akhoto a Aisraelaalle. Aisraele yahaagonjiha Aamori o Gibiyoni. Yaawiikariha okittha mwaango wa o Betehoroni ni owiipha ophiya o Azeka ni o Makeda.

Deuteronomo 32:42

Kineerolezeliha mipaamba ni nikhame na adani, nsupada naka nineerohoma muhehiiwa. Oohomiwa ni akaporo nikhame niwa nineereweetellella, miru ddiwa dda meehi oorekama ddineerophaddiwa.”

Deuteronomo 32:23

Kineerowuukellella otulli woohiyanahiyana, kinaamallelle va alliwa mipaamba ddaka ddittheddene.

Numeri 24:8

Mulluku ahaakhumiha mu Iguputo. Okhalla ni masiva wonanko enari. Aneerewiipha mitundu dda adanaaye, aneeropwesa makhuviiwa, aneerewaaphovolla ni mipaamba ddaye.

Masalimo 21:12

vawi aneeroweeriha wi ethawe, vawaavokhani mipaamba.

Yobu 38:35

Ethiyo we ttuulamula ettari wi ddisherime nave ewaakhulla wi, “Nilamuleni”?

1 Samuele 2:10

Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*

Yobu 37:4

Vatulli viwa othuruma wa Mulluku onniiweya, anneengeresa ni mawaaye muullupalli ettari ddisherimaka.

Yobu 37:5

Mulluku annathuruma moottikhiniha ni mawaaye, anneera dduullupalli ddoohiiweseseya.

Masalimo 29:3

Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.

Masalimo 29:7

Mawu a Apwiya ennasherima wonanko ettari.

Masalimo 77:18

Onyakulla wa ogugudeya wanyu wahiiweya otthewene, ettari ddanyu ddaawaliha ellapo ettheene, ellapo yavatthi yaatthukumella nave yaatikheya.

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?