Masalimo 17:7 - Mawu a Mulluku

⁷ Onihani echikondaanyu yoohisintheya vaweerani ddoottikhiniha, nyuwaano munnaavullusa ni nnattanatta nanyu namasiva, attheene ayo enawa wa nyuwaano yaawaathawaka adaniiwa.

Masalimo 17:7 ပူးပေါင်းရင်းမြစ်များ

Masalimo 60:5

Ookondiwaanyu yaakiheriwe avulluseni ni nnattanatta nanyu, munaakhulle hiyaano.

Masalimo 31:21

Etitimiheye Apwiya, aakooniha moottikhiniha echikondiiwa yoohisintheya, kaariimi m'muzindani woowaapheelliwa ni akhoto.

Masalimo 20:6

Vano kinnadduwella wi Apwiya ennamoopolla oozoziwiiwa.* Ennamwaakhulla eri oddullu, onipuroni niwa naweella, voomuvullusani mwamasiva a nnattanatta niwa.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

2 Mamwene 19:34

Kineerowaakihera ni owuteteza muzindoolla ekaamba ya ntitimiho naka navettho echipanganwaaka ni Davide oorumeyellaaka.”

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

2 Mamwene 19:22

Ethiyo wookhalla omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Masalimo 78:12

Mulluku aheera ddoottikhiniha ddaye makhollwiiwa yoonaka, mu ellapo ya Iguputo, o echigawo ya Zowani.

Masalimo 31:22

Kaallota mookhupanya wi, “Aakivenyiha m'mattani mwa nyuwaano.” Koma nyuwaano mwahiiwa oveka waka kuukhupanyelleemini wi mukikavihere.