Masalimo 17:15 - Mawu a Mulluku

¹⁵ Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 17:15 ပူးပေါင်းရင်းမြစ်များ

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Mateyu 5:6

Oodalisiwa tti ayo enavolliwa ettalla ni nthona noopaalla weera echilungamo, vawi Mulluku aneerewakwakhwanihella ddoopaalla ddiwa!

Masalimo 11:7

Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Masalimo 65:4

Oodalisiwa tti muthu oyo mwamutthoonlleenyu oyo munamweeriheenyu wi akhalleke m'mathatonaanyu. Munivonihe ni ddeko ddaphaama dda mu enyumbaanyu, enyumbaanyu yaweella.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Masalimo 119:111

Malamulwaanyu tti yoohallanaaka yoohimalla, ddawoona, enahakallalliha murimaaka.

Masalimo 49:14

Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Yobu 14:12

emoddamoddave yeeyottho muthu annakona oohivenyattho. Ophiyera ddooddullu ddimanlle, khawa avenyattho, apaalle oovenyihiwa o ekhove ddaye.

Yeremiya 31:26

Sika vano kaavenya kimwaramwara miittho nave kahoona wi kaakhwavo ekhove.