Masalimo 17:14 - Mawu a Mulluku

¹⁴ Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Masalimo 17:14 ပူးပေါင်းရင်းမြစ်များ

Yobu 22:18

Komave Mulluku sika addallihalle enyumba ddiwa ni ddaphaama koma malangizo a oonanara aakirekamella.

Yohane 17:14

Kahaavaha mawaanyu. Nave athu a ellapo yavatthi yaawiita oohudderaaka kaambiiwa khenakhalla a ellapo ya vattheeyo wonanko miyaanottho nginakhalla a ellapo yavatthi.

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Yohane 8:23

Yesu ahaakhulla wi, “Nyu munavenyera va ellapo yavatthimva nave miyaano kinavenyera oddullu. Nyuwaano tti a ellapo yavatthimva koma miyaano khe a ellapo yavatthimva.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Luka 16:8

“Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Yakobo 5:5

Mohiichella va ellapo yavatthi ni eyuuma. Mohiineneviha okhozekella nllapo nawiiphiwa.

Masalimo 73:12

Ngoonani mmu sika enakhallella athu oonanara. Erive enthawi ennakhalla vaphaama nave ennakhalla ni eyuuma moohihiyerera.

Masalimo 39:6

Ddawoona, muthu ari wonanko muuthuuchi, annakatamihiwa ni ddoohikhalla ni mutteko, annasunga eyuuma moohidduwella oyo anaayiche.

Yobu 21:21

Ethiyo okumiiwa wamalla, ennapwathattho dda ohakallalla wa edduullu ddiwa?

Yobu 12:9

Ethiyo mwa ddittheddenenndda ttiivi ehinadduwella wi nnatta na Apwiya sika neerille ddenndda?

Yobu 12:6

Enyumba dda anamasikita ddinakhalla mwamurendelle, oomuttatthamulla Mulluku sika ddinateteziwa, ayo enaroromella masiviiwa wonanko tti Mullukwiiwa.

Mateyu 13:44

“Omwene wa Mulluku tti wonanko eyuuma evitthiwe m'matani. Muthu ayiphwanya annayiivitthattho nave annahakallalla wawi annarowa akulliha ddeko ddaye ddittheddene. Eera ddiiddo annahokollweella akulla emateelle.

Miyambo 2:4

Ashaasha ezeru wonanko siliva apaalle eyuuma yoovittheya.