Masalimo 16:7 - Mawu a Mulluku

⁷ Kineerewaatitimiha Apwiya ayo eri namukwaaka, naari ni mahiiyweene murimaaka onnakilangiza.

Masalimo 16:7 ပူးပေါင်းရင်းမြစ်များ

Masalimo 73:24

Munnakookollella ni malangizwaanyu, vatulli viwa muneerokaakhella mu ntitimiho nanyu.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Masalimo 77:6

Mahiiyu kinnaganizera m'murimani mwaka, kinniikoha ni waashaasha m'murimani mwaka wi,

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Masalimo 63:6

Kakonaatthi vabedini vaka kinaganiza dda nyuwaano, mahiiyu mattheene kinuupuwella aganizera dda nyuwaano.

Masalimo 42:8

Otthaana Apwiya ennooniha echikondiiwa yoohisintheya mahiiyu kinniipa nchipo niwa ni omuvekella Mulluku a okumaaka.

Yesaya 48:17

Apwiya, Oowoopollaawo, Aweella a Israele enallota wi, “Mi tti Apwiya Mullukwaawo, ayo enuuhuddiha wi ddeko ddiweetelleke phaama, ayo enuuhoollella va ettilla yoophwanella oyithwara.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Miyambo 8:14

Kookhalla ni malangizo ni odduwella, wiiwesesa ni masiva.

Masalimo 119:55

Nyu Apwiya, kinnuupuwella nnddina nanyu mahiiyu, kinnathwara malamulwaanyu.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Luka 6:12

Nllapo nimodda Yesu aawella m'mwaangoni wi avekelle nave aakhallawo mahiiyu avekellaka wa Mulluku.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Masalimo 119:7

Kineerewuutitimihani vaweerani ddoophwanellella, voohudderani malangizwaanyu oolungama.

Masalimo 119:148

Nginakona mahiiyu mattheene, oganizera dda mawaanyu.

Masalimo 77:2

Va nllapo na ddookatamiha kinnawaashaasha Apwiya, mahiiyu mattheene kinnawelliha mattaaka voovekellani, murimaaka onnakhoota okhurumusiwa.

Masalimo 22:2

Mullukwaaka kinnawiithanani orive otthaana koma khamunakaakhulla, kinnawinllellani orive mahiiyu koma nginoopiwa ephevo.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

Masalimo 73:21

Vaavo murimaaka waakivoreya, kahoona yoohoma m'murimani mwaka.