Masalimo 15:5 - Mawu a Mulluku

⁵ Tti oyo ahinaakongoliha wi aakhellevo yawoonjerera, Tti oyo ahinaakhella ddamukaphwani, wi amuhooseke muthu oohilakwa. Muthu aweera ddenndda khawa atikheya.

Masalimo 15:5 ပူးပေါင်းရင်းမြစ်များ

Deuteronomo 16:19

Eheeruzeke moohollosa apaalle mooweha ekhove. Ehaakhelleke ddamukaphwani kaambiiwa ddamukaphwani ddinnaripiha miittho a athu eezeru nave ddinnaahollosa eyano dda oolungama vaweeruzani.

Eksodo 22:25

“Wamukongoliha makobiri muthu oohoowa variyari vawo, oheereke wonanko eneerelliiwa aniihu ookongoliha makobiri, ohimuwatihere ovelleella makobiri awoonjereravo.

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Ezekiele 18:8

ahinakongiriha wi apindulevo ello apaalle waakhella yawoonjereravo, aniihiiha weera ddoonanara nave khanaweha ekhove vookamullani millatu dda athu,

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Miyambo 12:3

Ochimwa khonamuteteza muthu koma oolungama khanasuseya.

Masalimo 112:6

Vawi muthu oolungama khanatikheya naari vang'ono, khatiwalleya wa enthawi yoohimalla.

Masalimo 106:3

Oodala tti athu oosunga echiweruzo, aweera echilungamo enthawi ettheene.

Masalimo 55:22

Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Mateyu 26:15

Ahaakoha wi, “Munaakivahe tini miyaano kamuvelleella Yesooyo wa nyuwaano?” Alliwaayo yaheerenga makobiri 30 emuvaha olliyooyo.

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Ezekiele 18:27

Komattho muthu oonanara ahiya weera ddoonanara ddaye aneera ddoolungama ni ddoororomelleya, aneerovullusa okumaaye.

Ezekiele 18:17

ookhoota weera ddoonanara oohikongoliha wi apindulevo apaalle wi aakhelle yawoonjerera, oothwara malangizwaaka ni wiiwellella malamulwaaka. Muthu awi ddiidda khakhwella va ddoolakwa dda attiitthinnya, aneerokhalla ni okumi.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Eksodo 22:24

Nave kineerewuushella murima nave kineerowiipha okhotoni wi mwaariyo atthattuwe naamukhwelle nave anaawo etthattuwe ookhwelliwa.

Deuteronomo 23:21

“Wallupella vamiitthoni va Apwiya Mullukwaawo ohillekelleke okwakhwaniha vawi Apwiya eneerewuuwatihera wi weere nave ozengeleza tti nichimo.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

Miyambo 10:30

Muthu oolungama khawa avenyihiwa munipuroni mwiwa nave oonanara khawa akeraattheya mwiillaponi.

Miyambo 15:27

Muthu oowaashaasha opindula moolleka annahoosa nibanja naye koma awiitana ni ddamukaphwani annakhalla ni okumi.