Masalimo 15:2 - Mawu a Mulluku

² Tti oyo aneeta moohilakwa, oyo aneera ddoolungama erive enthawi, oyo anallota ovenyera vatthi va murima.

Masalimo 15:2 ပူးပေါင်းရင်းမြစ်များ

Miyambo 28:18

Oyo aneeta moororomelleya eneerovulluwa koma oyo anakhoromaniha meetellwaaye aneerewiikuha.

Akolose 3:9

Muhilleellaneke ddawoottha vawi moorulla makhallellwaanyu akhalle vamodda ni mitteko ddiwa

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

1 Yohane 3:7

Anaaka, mmodda ahiwoottottheni! Oyo aneera yoolungama tti oolungama, wonanko mmo Khrisitu ariiye oolungama.

1 Yohane 2:6

Ayo enallota wi erive mu eyaattano ni Mulluku enaphwanella ekhalleke wonanko mmo Yesu Khrisitu akhallelleeye.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Mitteko 10:35

Ayo enamoova olliye ni weera echilungamo ennaakhullelliwa ni olliyooyo nave olliyooyo khanoonattho wi enavenyera mutundu wa aani.

Mika 2:7

Ethiyo nyu a nibanja na Yakobo, ddenndda tti ddoophwanella oddillota? Ethiyo oreera murima wa Apwiya woomalla? Ethiyo nndda sika eerilleeye? Ethiyo mawaaka khenawiiha ddaphaama wa aweeta moolungama?’ ”

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

Aheberi 11:33

Ekaamba ya echikhulupililo, athu awi ddiidda yaagonjiha moomwene, yaheera echilungamo, yahaakhella eyo Mulluku alonjezilleeye nave yaawalla eyano dda mikango.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Agalatiya 2:14

Koonilleemi wi ddaweera ddiwa khaddaatthopoowa moollikana ni yawoona ya othenga waphaama, kaallota wa Petro vamiitthoni va attheenaayo wi, “Vawi weyaano Muyuda mwaneena onakhalla wonanko muthu oyo ahiri Muyuda. Vano onaawatiherella tini athu ayo ehiri Ayuda wi ekhalleke wonanko Ayuda?”

Aroma 2:10

Koma Mulluku aneerewaavaha athu attheene eneera ddaphaama ntitimiho ni murendelle, waambeella Ayuda okomihera athu ayo ehiri Ayuda.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

1 Yohane 2:29

Munnadduwella wi Khrisitu tti oolungama. Vano munaphwanella mudduwelle wi arive muthu ari oolungama ayariwe ni Mulluku.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Yesaya 63:8

Apwiya enallota wi, “Alliwa tti athwaaka, anaaka ayo ehinaakoottotthe,” sika yahaavullusa.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Miyambo 20:7

Muthu oolungama ni oororomelleya, anaaye ennadala vatulli viwa.