Masalimo 149:2 - Mawu a Mulluku

² Aisraele ehakallalle ni awaaphatusiiwa, athu a o Ziyoni ethapelle ni mweniiwa.

Masalimo 149:2 ပူးပေါင်းရင်းမြစ်များ

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Masalimo 95:6

Waawoni naavekelle nave naallapelle, hankoni nikokhore vamiitthoni va Apwiya oophatusaahu.

Luka 19:38

“Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Yobu 35:10

Koma khaavo oollota wi, ‘Ethiyo ari wuuwi Mulluku, Ookiphatusaaka, oyo ananiipiha nchipo moohakallalla variyari va mahiiyu,

Masalimo 47:6

Ipani machipo oomutitimiha Mulluku, ipani machipo ootitimiha! Ipani machipo oomutitimiha mwenaahu, ipani machipo ootitimiha!

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

Deuteronomo 12:7

Wenkottho nyuwaano ni mabanjaanyu muneerocha ni ohakallalla vamiitthoni va Apwiya Mullukwaanyu ekaamba ya madaliso ayo yuuvahilleewani wi mitteko ddanyu ddittheddene ddeete phaama.

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Yohane 19:15

Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Yesaya 43:15

Mi tti Apwiya, Aweella, Oophatusa a Israele, mwenaanyu.”

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Zefaniya 3:14

Nyu athu a o Ziyoni, ipani moowelliha, nyu Aisraele, khuwani. Hakallallani, thapellani ni murimaanyu muttheene, nyu ookhalla mu Yerusalemu.

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.