Masalimo 149:1 - Mawu a Mulluku

¹ Aleluya! Wiipelleni Apwiya nchipo nanaanweene, ipani nchipo nowaatitimiha va mutthukumano wa oororomelliwa.

Masalimo 149:1 ပူးပေါင်းရင်းမြစ်များ

Masalimo 33:3

Wiipelleni nchipo nanaanweene, kwatchani enthambonnddo mweeruso ni okhuwa moohakallalla.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Aheberi 2:12

Olliye aallota wa Mulluku wi, “Kineerewaalleella alliwaayo dda nyuwaano, kineerewuutitimihani va mutthukumanwiiwa.”

Masalimo 148:1

Aleluya! Atitimiheni Apwiya ovenyera oddullu, nyu ookhalla muddullu, atitimiheni!

Masalimo 98:1

Wiipelleni Apwiya nchipo nanaanweene, vawi aheera ddoottikhiniha. Nnattanatta niwa nohaapambaniha muwonwiiwa waweella wohaavullusa.

Yesaya 42:10

Muwiipelle Apwiya nchipo nanaanweene! Nyu ookhalla mu ellapo yavatthi ettheene, atitimiheni! Nyu ddoophatusiwa ddittheddene dda mu enyanja, ariiheni. Nyu ellapo ddawaatamella attheene ookhalla wenko wiipelleni.

Masalimo 144:9

Nyu Mulluku kineerowiipellani nchipo nanaanweene, kineerowiipellani echida ya enthambo khumi.

Masalimo 116:18

Kineereweera nnddo kallupenlleemi wa Apwiya vamiitthoni va athwiiwa attheene,

Masalimo 68:26

“Mutitimiheni Mulluku m'mutthukumano muullupalli, atitimiheni Apwiya nyu edduullu dda Israele.”

Masalimo 22:25

Kineerewuutitimihani va mutthukumano muullupalli ekaamba ya nnddo mukeerelleenyu. Ddittheddene kalonjezilleemi kineeroddeera vamiitthoni va attheene enawoovani.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

Masalimo 89:5

Nyu Apwiya, ddooddullu ddinnatitimiha ddoottikhiniha ddanyu, ororomelleya wanyu, m'mutthukumanoni wa aweella.

Masalimo 96:1

Wiipelleni Apwiya nchipo nanaanweene! Wiipelleni Apwiya, nyu athu a va ellapo yavatthi ettheene.

Masalimo 111:1

Aleluya! Kineerewaathokoza Apwiya ni murimaaka muttheene, va mutthukumano wa athu oolungama.

Masalimo 35:18

Vano kineerewuuthokozani va mutthukumano muullupalli, kineerewuutitimihani vamiitthoni va athwaanyu.