Masalimo 148:8 - Mawu a Mulluku

⁸ nyu munllo ni marallalla, nyu nakhuttu ni mirapo, nyu ephevo ddawoopiha ddawiiwellella malamulwiiwa,

Masalimo 148:8 ပူးပေါင်းရင်းမြစ်များ

Yawuupullulla 16:21

Marallalla muullupalli, nimodda noollemella makilogaramu 50, yahaamorella athu ovenyera oddullu. Nave athu yaamullotella epewe Mulluku kaambiiwa mullillooyo waari wawoopiha.

Yona 1:4

Koma Apwiya yaarumiha namondwe va enyanjamvo. Namondwooyo aanoopa mwawoopiha wunchichi vawi echombo yahanlle vang'ono ophweeya.

Amosi 7:4

Nndda sika Apwiya Mulluku yakoonihelliiwa m'masomphenya mamodda. Yaakhozekella waallaka athwiiwa ni munllo. Munllooyo wahummiha maaddi oowallamellesesa nave wahaamba woononga ellapo yavatthi.

Amosi 4:13

Ngamooneni oyo aphatusalle miyaango ni opanga ephevo, anamuwululella muthu dda m'muruni mwaye, anatthattusa otthaana okhalla mahiiyu, aneeta va mapuro aweellesesa a va ellapo yavatthi, nnddina naye tti Apwiya Mulluku Amasiva Mattheene.

Yowele 2:30

“Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yesaya 66:16

Eneerewaallaka athu attheene a va ellapo yavatthi ni munllo ni nsupada nave anchichi eneerewiiphiwa ni Apwiya.

Masalimo 103:20

Nyu angelwiiwa, amasiva oollipa, muniiwa mawiiwa, muneera nnddo enalamuliiwa, atitimiheni Apwiya!

Masalimo 18:12

Ovenyera mu owala muhoollo mwaye, okhwaranya mirapo ddoottikanndde, mwaanakhuma marallalla ni mankhalla amunllo.

Yoswa 10:11

Yaathawiiwa Aisraelaayo vookitthani mwaango wa Betehoroni ophiya o Azeka, Apwiya yaamoriha malluku a marallalla va alliwaayo ovenyera oddullu nave yaawiipha. Awiiphiwa ni marallalla yaari anchichi waakhwaranya awiiphiwa ni Aisraele.

Numeri 16:35

Vano vaakhara munllo woovenyera wa Apwiya nave wahaashellelliha athu 250 alle yathuwiha mwiisi lubani.

Levitiko 10:2

Sika Apwiya yaakhariha munllo waashellelliha nave attheene yaakhwa vamiitthoni va Apwiya.

Eksodo 14:21

Sika Mose aatthoonyiha nnatta naye vanyanjani nave Apwiya yahoopiha ephevo yuullupalli yoovenyera wookhuma nndduwa, eyo yoopille mahiiyu mattheene nave yahummiha enyanjeeyo. Maaddaayo yaakawaneya

Eksodo 10:19

Apwiya yaatthattusa ephevweeyo ekhalla ephevo yawoopiha yoovenyera woovollowa nndduwa nave yaamuthamakihella nazombooyo o Enyanja Yoofiira. O Iguputo wulle khewaahallillettho naari nazombe mmodda.

Eksodo 10:13

Vano Mose aatukhullella ekopwaaye va ellapweeyo nave Apwiya yahaambiha ephevo yoovenyera wookhuma nndduwa wi yoope va ellapo ettheene ya Iguputo otthaana ni mahiiyweene. Osaka wene, nazombe aari virive veko.

Genesis 19:24

Vano Apwiya yaamoriha munllo wa sulufure va Sodomu ni Gomora ovenyera oddullu.

Yobu 37:12

Mulluku annaddeetiha mirapo mwawaapheella, wi ddikwakhwanihe ddoolamula ddaye ddittheddene va ellapo yavatthi.

Yona 1:5

Sika aweetiha echombweeyo yahoova nave arive muthu ahaamba winlla voomwiithana mullukwaaye. Vano yahaamba omutathillella munyanja katundu mmodda wi apaalle echombo evevuwe. Nndda ddeereya Yona akitthenlle muwariwari mwa echombo nave aari akhwillevo ni ekhove.