Masalimo 148:13 - Mawu a Mulluku

¹³ Attheenaayo yaatitimihe Apwiya, vawi nnddina niwave nenno tti nooriiheya, ntitimiho niwa tti nookhwaranya vatthimva ni muddullu mwene.

Masalimo 148:13 ပူးပေါင်းရင်းမြစ်များ

Masalimo 113:4

Apwiya ennaalamulella athu a mitundu ddittheddene, otitimiheya wiwa tti woorekama okhwaranya wa muddullu.

Masalimo 8:1

Mulluku, Apwiihu, nnddina nanyu tti noovuwa va ellapo yavatthi. Munnooniha ntitimiho nanyu oddullu.

Masalimo 8:9

Mulluku, Apwiihu, nnddina nanyu tti noovuwa va ellapo yavatthi.

Yesaya 12:4

Nllapo nenno muneerollota wi, “Athokozeni Apwiya, titimihani nnddina niwa. Mullalleye mitteko ddaye variyari va mitundu dda athu, muvuwihe wi nnddina niwa tti noopambana.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Aefeso 4:10

Sika oyo aakitthalle tti mmoddave yooyottho aawenlle vaddullu okhwaranya eddullu wi addalle erimu ettheene.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Yesaya 33:5

Apwiya sika enaariihiwe vawi enakhalla vaddullu va ddittheddene. Nave eneeroddalliha muzinda wa Ziyoni ni echilungamo ni echiweruzo yaphaama.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Nchipo na Solomoni 5:16

Muwano mwaye tti moonang'aneyesesa, ddawoona, olliye tti oosilileyesesa. Olla tti ookondiwaaka, tti mukhwaaka a vamurimani, nyu anamwalli a o Yerusalemu.

Nchipo na Solomoni 5:9

Nilleelle, we ooreeresesa mwa atthiyana attheene. Ethiyo ookondiwaawo aakhwarannye amodda mwawiidde? Ethiyo ookondiwaawo aakhwarannye amodda mwawiidde wi ollupelleke mwawi ddiidda? Namwalli

Masalimo 108:4

Echikondaanyu yoohisintheya tti yuullupalli okhwaranya eddullu, ororomelleya wanyu onnaphiya omiraponi.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Mateyu 6:13

Muhinikuselle woweesiwa, koma munivulluse wa Oonanarooyo.

Masalimo 57:6

Alliwaalle aareya nthavi manyallwaaka, murimaaka wookatamiheya wunchichi, aakata malliti ettilla ddinchichi, koma yaamorellemo weekhiiwa.

Masalimo 8:2

Munnaweeriha anamwani ni akantchewa wuutitimihani wi mumake mpanda woollipana ni adanaanyu, wi mwaakhurumuse ayo enuuwukilani.

Masalimo 150:6

Erive yookumi yaatitimihe Apwiya. Aleluya!