Masalimo 147:8 - Mawu a Mulluku

⁸ ayo enahuruwella eddullu ni mirapo, enarupihella ethaya murimu, enamelliha manasi vamwaangoni,

Masalimo 147:8 ပူးပေါင်းရင်းမြစ်များ

Yobu 5:10

Annamurupiha murimu veellaponi, annarumiha maaddi m'matani.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Genesis 9:14

Enthawi ddittheddene mwakhalla mirapo muddullu nave wooneya mwiisherima m'miraponi,

Mateyu 5:45

wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Masalimo 135:1

Aleluya! Titimihani nnddina na Apwiya. Nyu oorumeyella a Apwiya, atitimiheni,

Miyambo 27:25

Manasi yamalla nave munyepu wamella, makukhu a omwaangoni yaatthukumanihiwa,