Masalimo 146:9 - Mawu a Mulluku

⁹ Apwiya ennaateteza alleto, ennamuseera naamukhwelle ni mukhwaadduni, koma ettilla dda athu oonanara ennaddivirikaniha.

Masalimo 146:9 ပူးပေါင်းရင်းမြစ်များ

Masalimo 68:5

Attiitthiiwa a akhwaadduni, aweeruza aphaama a anaamukhwelle, tti Mulluku oyo anakhalla onipuroni naaye naweella.

Masalimo 147:6

Ennaawelliha oonyingallelliwa, koma ennaakitthiha athu oonanara.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 49:11

Ahiyeni akhwaadduni wi kaallelle nave anaamukhwellaanyu enaakiroromelleke miyaano.

Miyambo 15:25

Apwiya ennakumulla enyumba ya muthu awiitukhulla koma ennaateteza malire a naamukhwelle.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Masalimo 145:20

Apwiya ennaateteza attheene owaakonda koma oonanara attheene eneerowoononga.

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Masalimo 18:26

Wa athu ooreera murima, munnaddooniha oreera murima. Koma wa athu oonanara munnaddooniha onanara.

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Estere 5:14

Vano mwaariye Zereshi ni akhwaaye attheene yaamulleella wi, “Mupotokose muteekho wawiimakellellavo woorekama mamita 23. Ohinase mumulleelle mwene wi amumakellelle vamuteekhonimvo Mordekai. Sika muyeewo moohakallalla omachellelloni ni mwene.” Malangizwaalla yaamuddivella Hamani, sika aapotokosiha muteekho wawiimakellellavooyo.

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

2 Samuele 15:31

Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Masalimo 10:14

Komathi nyuwaano munnamoona, munnadduwella ddookatamiha ni ddoohoosa nave munneeravo ello. Oopaalla okaviheriwa enniivelleella wa nyuwaano, alliwattho akhwaadduni munnaakavihera.