Masalimo 146:4 - Mawu a Mulluku

⁴ Mpweya wa muthu wakhumamo muttheene, muthooyo annahokollweella o ethaya, nllapo nenno ddoolinga ddaye ddinnamalla.

Masalimo 146:4 ပူးပေါင်းရင်းမြစ်များ

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Masalimo 104:29

Mwaddiipitthihella ekhovaanyu, ddinnoova ni otathilla murima. Mwaddivenyihella mpweya, ddinnakhwa, ohokollweella onthupini.

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

1 Akorinto 2:6

Nave kinallalleya othenga wa ezeru wa athu oowaraalla m'munepani. Nave khe ezeru ya ellapo yavattheella apaalle ya oolamulella a ellapweella, ayo masiviiwa enamalla.

Masalimo 33:10

Apwiya ennatthattusa ddoohikhalla ni mutteko, ddoolinga dda athu a mitundu, maganizwiiwa mattheene ennaatthattusa oohikhalla ni mphuro.

Yobu 27:3

kaavirellellave ovuma ddiidda, mpweya wa Mulluku wakhallave mphunani mwaka,

Yobu 17:11

Mallapwaaka aamalla, ddoopaalla ddaka ddookukureya, ddootiyerella ddaka ddoovira.

Yobu 14:21

Anaaye yaariihiwaka, khanadduwellawo, yaavevulliwaka, khanoonawo.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Maliro 4:20

Oozoziwa* a Apwiya ayo aari mpweya wookumi, aamakiwa m'musamphani mwiwa. Oyo nalloteehu wi, “Mu muuthuuchaaye nneerokhalla variyari va athu amitundu ddimodda.”

Yesaya 2:22

Muhimuroromellekettho muthu vawi okumaaye khonallekella omalla. Ethiyo muthu ari ni tini?

Masalimo 90:3

Munnaahokollosella athu onthupini nave munnallota wi, “Nyu anamwani a athu, hokollowani.”

Yobu 17:1

Murimaaka woophweeya, mallapwaaka aamalla, mahame aakaatthamella.

Yobu 14:10

Koma muthu akhwa, anamallella vaavo. Ethiyo akhwa anaya wuuwi?

Genesis 6:17

Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa,

Oollalleya 9:6

Echikondiiwa wiitana wiwa ni ehachiiwa ddaamalla khalle. Nave va ddittheddene ddineereya vatthimva kheyaakhellavo ello.