Masalimo 145:4 - Mawu a Mulluku

⁴ Mbado oneerotitimiha mitteko ddanyu wa mbado mmodda, oneerollalleya ddaweera ddanyu ddamasiva.

Masalimo 145:4 ပူးပေါင်းရင်းမြစ်များ

Masalimo 71:18

Nyu Mulluku, muhikihiye meekha, naari kuulluvanlle, kiri ni embwi ophiyera killalleyille dda masivaanyu ni dda ekophollo ddanyu wa mibado ddamuhoollo.

Yesaya 38:19

Ookumi, ookumive ennuutitimihani, wonanko kineerelleemimmu. Attiitthi ennaalleella aniiwa dda ororomelleya wanyu.

Deuteronomo 6:7

Mwaahuddiheke aniinyu ni ollota wiilliwiilli dda malamulwaalla mwakhalla owaninyu, mwakhalla voolendoni, vookonaatthini apaalle voovenyani.

Deuteronomo 4:10

Mwaatthopoollelleke dda nllapo nne mwiimenlleenyu vamiitthoni va Apwiya Mullukwaanyu o mwaango wa Horebu. Wenko Apwiya yaakilleella wi ‘Waatthukumanihe athu. Kinapaalla wi yiiwe nnddo kinaalloteemi wi ehuddere okoova enthawi ddittheddene dda okumiiwa va ellapo yavatthi. Vatulli viwa yaahuddihekettho aniiwa emoddamoddave yeeyo.’

Estere 9:28

Mallapo alla ewuupuwelleke ni waasunga mu mibado ddittheddene, mu mabanja mattheene, mu ezigawo ddittheddene navettho mu mizinda ddittheddene. Mallapo alla, ooromolliwa Purimu, ehitiwalliweke variyari va Ayuda nave edduullu ddiwa ddihihiye waasunge.

Yobu 8:10

Ethiyo athu akhalle kheyuuhuddiha ni wuulleella, khellota ddavatthi va murimiiwa?