Masalimo 145:18 - Mawu a Mulluku

¹⁸ Apwiya eri vakhuviru ni attheene ayo enawiithana, ayo enawiithana mwawoona.

Masalimo 145:18 ပူးပေါင်းရင်းမြစ်များ

Masalimo 34:18

Apwiya ennakhalla vakhuviru ni athu ookukhumuwa, ennaavullusa athu ootathilla murima.

Yohane 4:24

Mulluku tti Munepa nave ayo enamullapella enaphwanella emullapelleke m'masivani a Munepa Waweella ni mwawoona.”

Deuteronomo 4:7

“Ethiyo tti mutundu muullupalli oovi oyo ori ni milluku ddookhalla vakhuviru ni alliwa wonanko mmo Mullukwaahu anakhallelleeye ni hiyaano? Vawi erive enthawi namwiithana olliye annanaakhulla.

Yesaya 58:9

Mwaavekellaka kineerekowiiwani nave mwaakiithanaka kineerekowaakhullani. “Mwattaphulla nigoli, mwahiya orunellana ni ollota ddoonanara dda akhwiinyu,

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Masalimo 119:2

Oodala tti ayo enasunga malamulo a Apwiya, ayo enawaashaasha ni murimiiwa muttheene,

Masalimo 17:1

Nyu Apwiya, iwani ovekella wa oolungama, apellani maaru winlla waka, iwani ovekella wa oohoottha.

Hoseya 7:14

Winllella wiwa wa miyaano tti wawoottha. Enniirema wonanko athu oohimudduwella Mulluku ekaamba yoopaalla yoocha ni yoowirya koma ennakiwukila.

Masalimo 46:5

Mulluku ari muwari mwa muzindooyo khotikheya aneerowukavihera nndduwa nihinakhume.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 119:151

Koma nyu Apwiya muri vakhuviru, malamulwaanyu mattheene tti awoona.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Maliro 3:57

Nyuwaano mwaasusella vakhuviru kavekelleemi wi mukikavihere nave mwaallota wi, ‘Ohoove.’