Masalimo 145:17 - Mawu a Mulluku

¹⁷ Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 145:17 ပူးပေါင်းရင်းမြစ်များ

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Masalimo 103:6

Apwiya ennaweeruza mweechilungamo ennaweerella echiweruzo attheene oonyingallelliwa.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Masalimo 116:5

Apwiya tti ooreera murima ni oolungama, Mullukwaahu tti eechifundo.

Masalimo 89:14

Eechilungamo ni echiweruzo sika ddikeraatthihalle omweniiwa. Echikondaanyu yoohisintheya ni ororomelleya wanyu, ddinnahoolla vamiitthoni vanyu.

Masalimo 50:6

Ddamuddullu ddinnallalleya dda echilungamo ya Mulluku vawi olliye sika ari aweeruza.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Masalimo 97:2

Mirapo ni epiphi yuullupalli ddoowaapheella Apwiya, echilungamo ni echiweruzo sika ddikeraatthihalle omweniiwa.

2 Samuele 22:31

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Yobu 34:10

Vano iwani, nyu athu eezeru, Mulluku khaneera yoonanara, Amasiva Mattheene khanalakwiha.

Yobu 34:12

Ddawoona, Mulluku khaneera yoonanara, Amasiva Mattheene khaneeruza moohilungama.

Masalimo 112:4

Naari enthawi ya epiphi, muthu oolungama aneeta moowala, kaambiiwa tti ooreera murima, eechifundo ni awoona.