Masalimo 145:10 - Mawu a Mulluku

¹⁰ Nyu Apwiya, ddoophatusiwa ddanyu ddittheddene ddineerewuutitihani, athwaanyu attheene oororomelleya eneerewuuriihani.

Masalimo 145:10 ပူးပေါင်းရင်းမြစ်များ

Masalimo 19:1

Ddooddullu ddinnallalleya otitimiheya wa Mulluku, omiraponi onnooniha mitteko dda mattaaye.

Masalimo 103:22

Nyu ddoophatusiwa ddiwa ddittheddene, mu ezigawo ddittheddene dda omweniiwa, atitimiheni Apwiya! Naweenettho murimaaka, atitimihe Apwiya!

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Yesaya 44:23

Nyu ddamuddullu, ipani moohakallalla vawi Apwiya aaphara mutteko. Nyu mapuro oowallamella a ellapo yavatthi, khuwani! Nyu miyaango, ambeellani machipo! We otthako ni miteekho ddawo ddittheddene. Ipani kaambiiwa Apwiya aamoopolla Yakobo, yohooniha ntitimiho niwa mwa Israele.

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Masalimo 97:12

Nyu oolungama hakallallani mwa Apwiya, thokozani nnddina niwa naweella.

Masalimo 68:26

“Mutitimiheni Mulluku m'mutthukumano muullupalli, atitimiheni Apwiya nyu edduullu dda Israele.”

Masalimo 32:11

Nyu athu oolungama, hakallallani ni othapella mwa Apwiya, nyu athu ooreera murima, khuwani moohakallalla.”

Masalimo 30:4

Nyu athwiiwa aweella, ipani machipo awaatitimiha Apwiya, athokozeni ekaamba ya weella wiwa.

Masalimo 22:23

Kineerollota wi, “Nyu oowoova Apwiya, atitimiheni nyu attheene edduullu dda Yakobo, ariiheni, nyu attheene Aisraele, avaheni olemu.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Masalimo 57:9

Nyu Apwiya, kineerewuuthokozani variyari va mitundu dda athu. Kineerewiipa machipo awuutitimihani variyari va athu a mu ellapo ettheene.

Masalimo 69:35

Mulluku aneeromuvullusa Ziyoni, aneeromakattho mizinda dda Yuda. Athwaaye eneerokhalla wenko, enaakhalle ellapwiiwa.

Masalimo 149:5

Oororomelleya ehakallalle ni opambana wiwa, yiipeke moohakallalla naari ekonaatthille vabedini viwa.