Masalimo 144:2 - Mawu a Mulluku

² Tti oororomelleyaaka ni woothawellawo waka, mpandaaka wookivullusa ni echishangwaaka yoothawellawo, ennahiya mitundu dda athu vatthi va olamulellwaaka.

Masalimo 144:2 ပူးပေါင်းရင်းမြစ်များ

Masalimo 91:2

aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 59:9

Nyuwaano sika masivaaka, miitthwaaka eri va nyuwaano, nyu Mulluku sika mpandaaka.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Masalimo 84:9

Nyu Mulluku, tti yawiitetezellaahu, wehani ekhove ya oozoziwaanyu.*

Masalimo 18:47

Mulluku sika akikavihere wi kihokolloselle ddoonanara ni ogonjiha mitundu ddimodda.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.