Masalimo 143:10 - Mawu a Mulluku

¹⁰ Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Masalimo 143:10 ပူးပေါင်းရင်းမြစ်များ

Yohane 14:26

Ookavihera, Munepa Waweella, oyo Attiitthaaka enaamurumiiwa mu nnddina naka, aneerewuuhuddihani erive ello ni owuupusani ddeko ddittheddene kuulleelleemini.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Masalimo 23:3

Ennahihimulliha okumaaka, ennakihoollella mu ettilla ddaphaama ekaamba ya nnddina naye.

Masalimo 119:12

Nyu Apwiya, mutitimiheye, kihuddiheni malamulwaanyu.

Nehemiya 9:20

Mwahaavaha munepaanyu waphaama wi waalangizeke. Khemwaawiimanille yoochaanyu ya mana nave mwahaavaha maaddi oowirya wi emallihe nthona niwa.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

2 Timoteo 1:7

Vawi Mulluku khaanivahille munepa wawoova koma munepa wa masiva, echikondi ni wiihiiha.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Masalimo 140:6

Kinnaalleella Apwiya wi, “Nyu tti Mullukwaaka.” Nyu Apwiya, kireyeni maaru wi mwiiwe ovekella waka.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

Aroma 8:26

Munepa annawattho onikavihera kaambiiwa hiyaano tti oofooka vawi khaninadduwella mmo ninaphwanellaahu ovekella. Munepa mwaneena annanivekella wa Mulluku ddookhupanya ddoohiworeya ollota.

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Masalimo 119:35

Kihoollelleni mu ettilla ya malamulwaanyu, kaambiiwa kinnahakallallana.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Yesaya 63:14

Munepa wa Apwiya wahaavumiha wonanko mmo ddiniithuuwella eng'ombe o ntapo. Sika nyu Apwiya mwahaahoollella athwaanyu wi nnddina nanyu nititimihiwe.

Masalimo 25:12

Ttaani anawoova Apwiya? Yooyo Apwiya eneeromuhuddiha ettilla yawi ayithware.

Aefeso 5:9

vawi owala sika oneeriha ddaphaama, echilungamo ni yawoona.

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Masalimo 139:24

Moone kaarimi kithwaraka erive ettilla yoonanara, mukihoollelle mu ettillaanyu yoohimalla.

Masalimo 63:1

Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.

Aroma 15:30

Asinnaka ni arokoraka, vano kinimuuvekani, oweella mwa Apwiihu Yesu Khrisitu navettho ni echikondi ya Munepa Waweella wi nipharane matta vookivekellani moollipiha wa Mulluku.

Masalimo 118:28

Nyuwaano tti Mullukwaaka, kineerewuuthokozani, nyuwaano tti Mullukwaaka, kineerewuutitimihani.

Masalimo 22:1

Mullukwaaka, Mullukwaaka kaambiiwa tini mukihiyalleenyu? Kaambiiwa tini muhinakikavihereenyu naari vang'ono? Kaambiiwa tini muhiniiweenyu wiipullella waka?

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Numeri 9:22

Naari murapooyo wakhuneella vaddullu va musasa wa wamutthukumano wa mallapo meelli apaalle mweeri apaalle enthawi yoorekama, Aisraele yaanakhallave vanipuronimvo nave kheyaatimulla. Koma murapooyo wawella, alliwa yaanatimulla.

Masalimo 27:11

Nyu Apwiya kihuddiheni ettilla ddanyu, kihoollelleni mu ettilla ddoosalala kaambiiwa kookhalla ni adani anchichi.