6 Iwani winlla waka, vawi kootathilla murima. Kivulluseni wa athu ookihoosa, kaambiiwa aakikhwaranya masiva.
Muhinanillaka ekaamba ya machimo a makhollwaahu, neerelleni echifundo mwawaakuva vawi nookitthihiwa wunchichi.
Apwiya ennaateteza athu awiiyeviha, kamorelleemi mu ddookatamiha, alliwa yaakivullusa.
Yaanuupuwella navevuwalleehu, echikondiiwa yoohisintheya tti ya enthawi yoohimalla.
Nyu Apwiya, iwani ovekella wa oolungama, apellani maaru winlla waka, iwani ovekella wa oohoottha.
Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!
Ttaani anaawiipe mullatu athu ootthoolliwa a Mulluku? Mulluku mwaneena sika anawoona wi khenna mullatu!
Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.
Nyu Apwiya, ngawooneni ayo eniipitthella okumaaka, athu awoopiha ahiiwanana wi ewane ekhoto ni miyaano, naari kihichimwalle apaalle kihilakwille.
Adanaaka tti akumi ni amasiva, tti anchichi ayo enakiita vihiri ekaamba.
Yaakivullusa wa adanaaka amasiva, wa attheene ayo yiitana ni miyaano, ayo yaari amasiva okikhwaranya miyaano.
Nyu Apwiya, adanaaka tti anchichi, athu anchichi ennakiwukila.
Ethiyo mwene a Aisraele anamwaasha aani nave nyuwaano munamwiikariha aani? Mwanapwa ookhwa! Apaalle ettotthomwa!
Mudanaaka ookithwara manyallo oonyingallella okumaaka muthayani. Ookikeraatthiha mwiipiphini wonanko muthu oyo akhwille khalle.
Kahikhulupililalleke wi koone oreera murima wa Apwiya, mu ellapo ya ookumi, kaaweere tini!
Ekaamba ya yeella khannoova naari ellapo yavatthi etikheye, naari miyaango ddimorenlle variyari va enyanja,
aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”