Masalimo 141:6 - Mawu a Mulluku

⁶ Oolamulelliiwa yavelleelliiwa wa ollaka vano eneerewiiwa wi mawu a Apwiya tti oohakallalliha.

Masalimo 141:6 ပူးပေါင်းရင်းမြစ်များ

2 Epilli 25:12

Athu a o Yuda yahaaphara athu amodda akumi 10,000 nave yaawellana vaddullu Vanllukuni nuullupalli yaavokhella vatthi nave attheenaayo yaanyenyeya.

Masalimo 45:2

Nyuwaano tti ooreera waakhwaranya akhwiinyu attheene, vayanoni vanyu vinnakhumiha ddaphaamave. Ella sika ekaambiiwa Mulluku uudalisalleeyeni wa enthawi yoohimalla.

1 Epilli 13:2

Nave vatulli viwa Davide aallota wa mutthukumano muttheene wa Aisraele wi, “Ddaarimi dduuddivellakani navettho yaarimi eri yoopaalla ya Apwiya Mullukwaahu, hankoni nimwaramwareye, nirumihe mawu wa abaliihu attheene ayo ehanlle mwiillaponi ettheene ya Israele ni wa allupa mukutho ni Alevi m'mizindani ni mizi ddiwa wi ewe wuno ekhalle ni hiyaano.

1 Epilli 12:38

Attheenaalla yaari athu akhoto ayo yaawiille o Hebroni ni murima mmodda wi yamuvollochihe Davide omwene wa Aisraele attheene. Aisraele attheene yaaniiwananana ddoomuvollochiha Davide omwene.

2 Samuele 23:1

Mawu ookomihera a Davide tti awi, nna sika nchipo na Davide, mwaana a Yese, mawu a muthu oyo Apwiya yamweerilliiwa wi akhalle muullupalli oyo Mulluku a Yakobo amuzozilleeye wi akhalle mwene, muthu ooddivelliwa wiipa machipo aphaama a Israele.

Luka 4:22

Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”